7.11C Vancouver 7.11C VancouverDec 17, 2025 4:23 PM - Connect Newsroom - Ramandeep Kaur with files from The Canadian Press
ਕੈਨੇਡਾ ਦੀ ਫੈਡਰਲ ਰਾਜਨੀਤੀ ਤੋਂ ਕਿਊਬੈਕ ਦੀ ਸੂਬਾਈ ਰਾਜਨੀਤੀ ਵਿਚ ਜਾਣ ਵਾਲੇ ਸਾਬਕਾ ਟਰਾਂਸਪੋਰਟ ਮੰਤਰੀ ਪਾਬਲੋ ਰੌਡਰਿਗਜ਼ ਮੁਸ਼ਕਲ ਵਿਚ ਘਿਰ ਗਏ ਹਨ। ਖਬਰਾਂ ਹਨ ਕਿ ਉਨ੍ਹਾਂ ਨੂੰ ਕਿਊਬੈਕ ਲਿਬਰਲ ਪਾਰਟੀ ਦੇ ਲੀਡਰ ਵਜੋਂ ਅਸਤੀਫਾ ਦੇਣਾ ਪੈ ਰਿਹਾ ਹੈ ਅਤੇ ਉਨ੍ਹਾਂ ਲੀਡਰਸ਼ਿਪ ਪੋਸਟ ਤੋਂ ਅਸਤੀਫਾ ਦੇਣ ਦਾ ਮਨ ਬਣਾ ਲਿਆ ਹੈ।
ਰੌਡਰਿਗਜ਼ ਆਪਣੀ ਲੀਡਰਸ਼ਿਪ ਮੁਹਿੰਮ ਵਿਚ ਕਥਿਤ ਤੌਰ 'ਤੇ ਕੈਸ਼-ਫੋਰ-ਵੋਟ ਦੇ ਦੋਸ਼ਾਂ ਬਾਰੇ ਸਵਾਲਾਂ ਦਾ ਸਾਹਮਣਾ ਕਰ ਰਹੇ ਹਨ। ਰਿਪੋਰਟਸ ਮੁਤਾਬਕ, ਉਨ੍ਹਾਂ ਕਿਊਬੈਕ ਲਿਬਰਲ ਕਾਕਸ ਵਿਚ ਆਪਣਾ ਭਰੋਸਾ ਗੁਆ ਦਿੱਤਾ ਹੈ। ਹਾਲਾਂਕਿ ਅਜੇ ਤੱਕ ਉਨ੍ਹਾਂ ਦੇ ਅਸਤੀਫੇ ਦਾ ਕੋਈ ਅਧਿਕਾਰਤ ਐਲਾਨ ਨਹੀਂ ਹੋਇਆ ਪਰ ਖ਼ਬਰਾਂ ਹਨ ਕਿ ਰੌਡਰਿਗਜ਼ ਜਲਦ ਹੀ ਆਪਣੇ ਫੈਸਲੇ ਦੀ ਜਨਤਕ ਤੌਰ 'ਤੇ ਪੁਸ਼ਟੀ ਕਰ ਸਕਦੇ ਹਨ। ਉਹ ਲੰਬੇ ਸਮੇਂ ਤੋਂ ਫੈਡਰਲ ਅਤੇ ਸੂਬਾਈ ਰਾਜਨੀਤੀ ਵਿਚ ਸਰਗਰਮ ਰਹੇ ਹਨ।
ਕਿਊਬੈਕ ਲਿਬਰਲ ਪਾਰਟੀ ਵਿਚ ਇਹ ਤਾਜ਼ਾ ਘਟਨਾਕ੍ਰਮ ਅਗਲੇ ਸਾਲ ਆਉਣ ਵਾਲੀਆਂ ਸੂਬਾਈ ਚੋਣਾਂ ਦੇ ਮੱਦੇਨਜ਼ਰ ਬਹੁਤ ਅਹਿਮ ਮੰਨਿਆ ਜਾ ਰਿਹਾ ਹੈ। ਅਕਤੂਬਰ 2022 ਦੀਆਂ ਸੂਬਾਈ ਚੋਣਾਂ ਵਿਚ ਲਿਬਰਲਸ ਨੂੰ ਆਪਣੇ ਇਤਿਹਾਸ ਵਿਚ ਸਭ ਤੋਂ ਕਰਾਰੀ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ ਅਤੇ ਲੰਘੇ ਜੂਨ ਵਿਚ ਰੌਡਰਿਗਜ਼ ਨੂੰ ਲੀਡਰ ਚੁਣਿਆ ਗਿਆ ਸੀ।
