ਕਿਊਬੈਕ ’ਚ ਵਾਪਰੀ ਵੱਡੀ ਘਟਨਾ, ਪਿਓ ਨੇ ਆਪਣੀ ਹੀ ਧੀ ਦਾ ਕੀਤਾ ਕਤਲ

ਕਿਊਬੈਕ ਵਿਚ ਇੱਕ ਅਜਿਹੀ ਘਟਨਾ ਸਾਹਮਣੇ ਆਈ ਹੈ ਜਿੱਥੇ ਇੱਕ ਪਿਓ ਨੂੰ ਉਸ ਦੀ ਧੀ ਦੇ ਕਤਲ ਦੇ ਮਾਮਲੇ ਵਿਚ ਚਾਰਜ ਕੀਤਾ ਗਿਆ ਹੈ। ਪੁਲਿਸ ਮੁਤਾਬਕ, 60 ਸਾਲਾ ਵਿਅਕਤੀ ਨੇ ਆਪਣੀ ਧੀ ਦਾ ਚਾਕੂ ਮਾਰ ਕੇ ਕਤਲ ਕਰ ਦਿੱਤਾ। ਘਟਨਾ ਮਾਂਟਰੀਅਲ ਤੋਂ ਲਗਭਗ 55 ਕਿਲੋਮੀਟਰ ਦੂਰ ਪੈਂਦੇ ਇਲਾਕੇ ਓਰਮਸਟਾਊਨ ਵਿਚ ਵਾਪਰੀ।

ਲੋਕਲ ਪੁਲਿਸ ਮੁਤਾਬਕ, ਉਨ੍ਹਾਂ ਨੂੰ ਬੁੱਧਵਾਰ ਸਵੇਰੇ ਕਰੀਬ 10.30 ਵਜੇ ਕੇਰਨਸ ਸ੍ਰਟੀਟ ਦੇ ਇੱਕ ਘਰ ਵਿਚ ਲੜਾਈ ਝਗੜੇ ਦੀ ਰਿਪੋਰਟ ਮਿਲੀ, ਜਦੋਂ ਅਧਿਕਾਰੀ ਪਹੁੰਚੇ ਤਾਂ 34 ਸਾਲਾ ਲੜਕੀ ਖੂਨ ਨਾਲ ਲਥਪੱਥ ਸੀ ਅਤੇ ਉਸ ਦੀ ਮੌਕੇ ’ਤੇ ਮੌਤ ਹੋ ਚੁੱਕੀ ਸੀ। ਪੁਲਿਸ ਨੇ ਉਸ ਦੇ ਪਿਤਾ ਅਲੇਨ ਕਾਜ਼ਾ ਨੂੰ ਗ੍ਰਿਫਤਾਰ ਕੀਤਾ, ਜਿਸ ਨੂੰ ਅੱਜ ਸਵੇਰੇ ਅਦਾਲਤ ਵਿਚ ਪੇਸ਼ ਕੀਤਾ ਗਿਆ, ਜਿੱਥੇ ਉਸ ’ਤੇ 34 ਸਾਲਾ ਅਮਾਂਡਾ ਕਾਜ਼ਾ ਦੀ ਹੱਤਿਆ ਦੇ ਮਾਮਲੇ ਵਿਚ ਦੂਜੇ ਦਰਜੇ ਦੇ ਕਤਲ ਦੇ ਦੋਸ਼ ਲਗਾਏ ਗਏ।

ਕਿਊਬੈਕ ਦੇ ਕ੍ਰਾਊਨ ਪ੍ਰੌਸੀਕਿਊਟਰਜ਼ ਦਫ਼ਤਰ ਨੇ ਪੁਸ਼ਟੀ ਕੀਤੀ ਕਿ ਮੁਲਜ਼ਮ 24 ਮਈ ਨੂੰ ਕੋਰਟ ਵਿਚ ਅਗਲੀ ਪੇਸ਼ੀ ਤੱਕ ਹਿਰਾਸਤ ਵਿਚ ਰਹੇਗਾ। ਮ੍ਰਿਤਕਾ ਇੱਕ ਐਲਮੈਂਟਰੀ ਸਕੂਲ ਵਿਚ ਸੈਕਟਰੀ ਵਜੋਂ ਕੰਮ ਕਰਦੀ ਸੀ।