13.84C Vancouver 13.84C VancouverSep 18, 2023 5:47 PM - The Canadian Press
ਕਿਊਬੈਕ ਸੂਬਾ ਪੁਲਿਸ ਦਾ ਕਹਿਣਾ ਹੈ ਕਿ ਐਤਵਾਰ ਨੂੰ ਕਿਊਬੈਕ ਸਿਟੀ ਖੇਤਰ ਵਿੱਚ ਮਨੁੱਖੀ ਅਵਸ਼ੇਸ਼ ਮਿਲਣ ਤੋਂ ਬਾਅਦ 3 ਲੋਕਾਂ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ।
ਪੁਲਿਸ ਦਾ ਕਹਿਣਾ ਹੈ ਕਿ 2 ਵਿਅਕਤੀ ਜਿਨ੍ਹਾਂ ਦੀ ਉਮਰ 44 ਤੇ 31 ਸਾਲ ਦੀ ਹੈ ਤੇ ਇੱਕ 31 ਸਾਲਾਂ ਮਹਿਲਾ ਨੂੰ ਐਤਵਾਰ ਸ਼ਾਮ ਨੂੰ ਗ੍ਰਿਫਤਾਰ ਕੀਤਾ ਗਿਆ ਸੀ, ਜਦੋਂ ਇਹ ਤਿੰਨੇ ਇੱਕ ਵਾਹਨ ਵਿੱਚ ਸਵਾਰ ਹੋ ਕੇ ਮਾਂਟਰੀਅਲ-ਏਰੀਆ ਮੋਹੌਕ ਖੇਤਰ ਵਿੱਚੋਂ ਜਾ ਰਹੇ ਸਨ।
ਪੁਲਿਸ ਦੇ ਅਨੁਸਾਰ ਕਿਊਬੈਕ ਸਿਟੀ ਖੇਤਰ ਵਿੱਚ ਅਵਸ਼ੇਸ਼ਾਂ ਦੇ ਮਿਲੇ ਹੋਣ ਦੇ ਬਾਵਜੂਦ ਸਬੂਤਾਂ ਤੋਂ ਪਤਾ ਲੱਗਦਾ ਹੈ ਕਿ ਕਥਿਤ ਕਤਲ ਲਗਭਗ 200 ਕਿਲੋਮੀਟਰ ਦੂਰ ਮਾਂਟਰੀਅਲ ਦੇ ਨੌਰਥ ਈਸਟ ਵਿੱਚ ਕਾਂਟਰੇਕੋਅਰ ਵਿੱਚ ਹੋਇਆ ਸੀ।
ਪੁਲਿਸ ਪ੍ਰੋਵਿੰਸ਼ੀਅਲ ਕ੍ਰਾਈਮ ਸੀਨ ਲੈਬ ਦੇ ਟੈਕਨੀਸ਼ੀਅਨਾਂ ਦੀ ਮਦਦ ਨਾਲ ਕਾਂਟਰੇਕੋਅਰ ਵਿੱਚ ਸ਼ੱਕੀ ਕਤਲ ਦੀ ਜਾਂਚ ਕਰ ਰਹੀ ਹੈ।
ਉਨ੍ਹਾਂ ਦਾ ਕਹਿਣਾ ਹੈ ਕਿ ਪੀੜਤਾ ਦਾ ਪੋਸਟਮਾਰਟਮ ਕਰਵਾਇਆ ਜਾਵੇਗਾ, ਜਿਸ ਦੀ ਅਜੇ ਤੱਕ ਪਛਾਣ ਨਹੀਂ ਹੋ ਸਕੀ ਹੈ।
ਪੁਲਿਸ ਦੇ ਬੁਲਾਰੇ ਸਟੀਫਨ ਟ੍ਰੈਂਬਲੇ ਦਾ ਕਹਿਣਾ ਹੈ ਕਿ ਸ਼ੱਕੀ, ਜੋ ਕਿ ਮਾਂਟਰੀਅਲ ਅਤੇ ਕਾਂਟਰੇਕੋਅਰ ਦੇ ਰਹਿਣ ਵਾਲੇ ਹਨ ਉਨ੍ਹਾਂ ਤੋਂ ਪੁੱਛਗਿੱਛ ਕੀਤੀ ਜਾਵੇਗੀ।
ਇਨ੍ਹਾਂ ਨੂੰ ਅਦਾਲਤ ਵਿੱਚ ਕਦੋਂ ਪੇਸ਼ ਕੀਤਾ ਜਾਣਾ ਹੈ ਇਸ ਬਾਰੇ ਅਜੇ ਕੋਈ ਜਾਣਕਾਰੀ ਨਹੀਂ ਦਿੱਤੀ ਗਈ।
