13.8C Vancouver 13.8C VancouverMay 5, 2020 7:27 PM -
ਕਿਊਬੈਕ ਦੇ ਪ੍ਰੀਮਿਅਰ ਫ੍ਰਾਂਸੂਆ ਲੈਗੌਲਟ ਨੇ ਅੱਜ ਦੱਸਿਆ ਕਿ, ਸੂਬੇ ਦੇ 11,200 ਹੈਲਥਕੇਅਰ ਵਰਕਰ ਕੰਮ 'ਤੇ ਨਹੀਂ ਆ ਰਹੇ।
ਉਨ੍ਹਾਂ ਦੱਸਿਆ ਕਿ ਇਸਦੀ ਵਜ੍ਹਾ ਕੁਝ ਦਾ ਬਿਮਾਰ ਹੋਣਾ, ਕੁਝ ਦਾ ਕੋਵਿਡ-19 ਲਈ ਪੀੜਤ ਹੋਣ ਸੰਬੰਧੀ ਫਿਕਰ ਹੋਣਾ, ਅਤੇ ਕੁਝ ਦਾ ਇਸ ਬਿਮਾਰੀ ਨੂੰ ਲੈਕੇ ਡਰ ਜ਼ਾਹਿਰ ਕਰਨਾ ਹੈ।
ਪ੍ਰੀਮਿਅਰ ਨੇ ਇਨ੍ਹਾਂ ਵਰਕਰਾਂ ਵਿੱਚੋਂ ਉਨ੍ਹਾਂ ਸਾਰਿਆਂ ਨੂੰ ਕੰਮਾਂ 'ਤੇ ਵਾਪਸੀ ਕਰਨ ਦੀ ਮੰਗ ਕੀਤੀ ਹੈ, ਜਿੰਨਾ ਆਪਣੇ 14 ਦਿਨ ਦਾ ਕੁਆਰੰਟੀਨ ਪੀਰੀਅਡ ਖਤਮ ਕਰ ਲਿਆ ਹੈ।
ਪ੍ਰੀਮਿਅਰ ਨੇ ਕਿਹਾ ਕਿ ਸੂਬਾ ਇਸ ਵੇਲੇ ਮੁਸ਼ਕਿਲ ਦੌਰ ਵਿੱਚੋਂ ਲੰਘ ਰਿਹਾ ਹੈ ਅਤੇ ਇਸਨੂੰ ਵੱਧ ਤੋਂ ਵੱਧ ਸਹਿਯੋਗ ਦੀ ਲੋੜ ਹੈ।
ਕਿਊਬੈਕ 'ਚ ਕੋਰੋਨਾ ਵਾਇਰਸ ਨਾਲ ਪੀੜਤ ਲੋਕਾਂ ਦੀ ਗਿਣਤੀ 33,417 ਤਕ ਪਹੁੰਚ ਗਈ ਹੈ।
ਦੂਜੇ ਪਾਸੇ ਸੂਬੇ 'ਚ 118 ਹੋਰ ਵਾਇਰਸ ਪੀੜਤਾਂ ਦੇ ਦਮ ਤੋੜਨ ਦੀ ਜਾਣਕਾਰੀ ਸਾਂਝੀ ਕੀਤੀ ਗਈ ਹੈ, ਜਿਸਦੇ ਨਾਲ ਸੂਬੇ 'ਚ ਜਾਨ ਗਵਾਉਣ ਵਾਲੇ ਵਾਇਰਸ ਪੀੜਤਾਂ ਦੀ ਗਿਣਤੀ ਵੀ 2,398 ਹੋ ਗਈ ਹੈ।
ਸੂਬੇ 'ਚ ਵਾਇਰਸ ਸੰਬੰਧੀ 794 ਨਵੇਂ ਮਾਮਲੇ ਸਾਹਮਣੇ ਆਏ ਦੱਸੇ ਗਏ ਹਨ।
