15.94C Vancouver 15.94C VancouverNov 27, 2024 7:32 PM - The Canadian Press
ਕਿਊਬੈਕ ਖੁਦ ਦਾ ਸੰਵਿਧਾਨ ਅਪਣਾਉਣ ’ਤੇ ਵਿਚਾਰ ਕਰ ਰਿਹਾ ਹੈ। ਸੂਬਾ ਸਰਕਾਰ ਵਲੋਂ ਨਿਯੁਕਤ ਕੀਤੀ ਗਈ ਕਮੇਟੀ ਨੇ ਸੂਬੇ ਨੂੰ ਆਪਣਾ ਸੰਵਿਧਾਨ ਅਪਣਾਉਣ ਅਤੇ ਖੁਦ ਦੀ ਖੁਦਮੁਖਤਿਆਰੀ ਨੂੰ ਵਧਾਉਣ ਲਈ ਕਦਮ ਅੱਗੇ ਵਧਾਉਣ ਦੀ ਸਿਫਾਰਸ਼ ਕੀਤੀ ਹੈ।
ਪ੍ਰੀਮੀਅਰ ਫਰਾਂਕੋਇਸ ਲੇਗੌਲਟ ਨੇ ਕਿਹਾ ਹੈ ਕਿ ਉਹ 2026 ਵਿਚ ਅਗਲੀਆਂ ਸੂਬਾਈ ਚੋਣਾਂ ਤੋਂ ਪਹਿਲਾਂ ਕਿਊਬੈਕ ਦਾ ਸੰਵਿਧਾਨ ਅਪਣਾਉਣ ਦੀ ਸੰਭਾਵਨਾ ਬਾਰੇ ਵਿਚਾਰ ਕਰ ਸਕਦੇ ਹਨ ਪਰ ਇਸ ਲਈ ਕੋਈ ਵਾਅਦਾ ਨਹੀਂ ਕਰਨਗੇ।
ਲੇਗੌਲਟ ਸਰਕਾਰ ਵਲੋਂ ਨਿਯੁਕਤ ਕਮੇਟੀ ਦੀ ਰਿਪੋਰਟ ਵਿਚ 45 ਸਿਫਾਰਸ਼ਾਂ ਸ਼ਾਮਲ ਹਨ, ਜਿਨ੍ਹਾਂ ਵਿਚ ਇਹ ਵੀ ਸ਼ਾਮਲ ਹੈ ਕਿ ਕਿਊਬੈਕ ਆਪਣੇ ਕਾਨੂੰਨਾਂ ਦਾ ਆਧੁਨਿਕੀਕਰਨ ਕਰੇ ਤਾਂ ਕਿ ਰਾਜਸ਼ਾਹੀ ਦੇ ਸੰਦਰਭਾਂ ਨੂੰ ਹਟਾਇਆ ਜਾ ਸਕੇ ਅਤੇ ਪਨਾਹ ਮੰਗਣ ਵਾਲਿਆਂ ਦੇ ਸਬੰਧ ਵਿਚ ਸੰਘੀ ਸਰਕਾਰ ਨਾਲ ਸਮਝੌਤੇ ਲਈ ਗੱਲਬਾਤ ਹੋ ਸਕੇ।
ਵਿਰੋਧੀ ਲਿਬਰਲਾਂ ਨੇ ਇਸੇ ਮਹੀਨੇ ਦੇ ਸ਼ੁਰੂ ਵਿਚ ਕਿਊਬੈਕ ਸੰਵਿਧਾਨ ਦੇ ਸਮਰਥਨ ਵਿਚ ਪ੍ਰਸਤਾਵ ਪਾਸ ਕੀਤਾ ਸੀ। ਹਾਲਾਂਕਿ, ਮਾਹਰਾਂ ਦਾ ਮੰਨਣਾ ਹੈ ਕਿ ਸੰਵਿਧਾਨ ਬਣਾਉਣਾ ਕਠਿਨ ਹੈ ਅਤੇ ਅਜਿਹਾ ਜਲਦ ਹੋਣ ਦੀ ਸੰਭਾਵਨਾ ਨਹੀਂ ਹੈ।
