ਕਿਊਬੈਕ ਜਲਦ ਹੀ ਹਾਕੀ ਨੂੰ ਐਲਾਨੇਗਾ ਸੂਬੇ ਦੀ ਰਾਸ਼ਟਰੀ ਖੇ਼ਡ

ਕਿਊਬੈਕ ਸਰਕਾਰ ਵਲੋਂ ਹਾਕੀ ਨੂੰ ਸੂਬੇ ਦੀ ਰਾਸ਼ਟਰੀ ਖੇਡ ਐਲਾਨਿਆ ਜਾ ਰਿਹਾ ਹੈ। ਸੂਬੇ ਦੇ ਸੱਭਿਆਚਾਰ ਮੰਤਰੀ ਮੈਥਿਊ ਲੈਕੋਮਬੇ ਨੇ ਅੱਜ ਵਿਧਾਨ ਸਭਾ ਵਿਚ ਇਸ ਸਬੰਧੀ ਬਿੱਲ ਪੇਸ਼ ਕੀਤਾ ਹੈ, ਜਿਸ ਵਿਚ ਫਰਵਰੀ ਦੇ ਪਹਿਲੇ ਸ਼ਨੀਵਾਰ ਨੂੰ ਕੌਮੀ ਆਈਸ ਹਾਕੀ ਦਿਵਸ ਘੋਸ਼ਿਤ ਕਰਨ ਦਾ ਵੀ ਪ੍ਰਸਤਾਵ ਸ਼ਾਮਲ ਹੈ।

ਬਿੱਲ ਵਿਚ ਕਿਹਾ ਗਿਆ ਹੈ ਕਿ 150 ਸਾਲ ਪੁਰਾਣੀ ਇਸ ਖੇਡ ਦਾ ਕਿਊਬੈਕ ਦੇ ਸੱਭਿਆਚਾਰ ਵਿਚ ਇੱਕ ਵਿਸ਼ੇਸ਼ ਸਥਾਨ ਹੈ ਅਤੇ ਪਹਿਲਾ ਅਧਿਕਾਰਤ ਹਾਕੀ ਮੈਚ 3 ਮਾਰਚ, 1875 ਨੂੰ ਮਾਂਟਰੀਅਲ ਵਿਚ ਖੇਡਿਆ ਗਿਆ ਸੀ।

ਡੋਨਲਡ ਟਰੰਪ ਦੇ ਟੈਰਿਫ ਦੀ ਧਮਕੀ ਵਿਚਕਾਰ ਇਸ ਬਿੱਲ ਨੂੰ ਪੇਸ਼ ਕਰਨ ਲਈ ਕਿਊਬੈਕ ਸਰਕਾਰ ਨੂੰ ਆਲੋਚਨਾਵਾਂ ਦਾ ਵੀ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਸੂਬੇ ਦੇ ਮਿਨਿਸਟਰ ਲੈਕੋਮਬੇ ਨੇ ਕਿਹਾ ਕਿ ਟੈਰਿਫ ਦੀਆਂ ਧਮਕੀਆਂ ਕਾਰਨ ਕਿਊਬੈਕ ਵਾਸੀ ਆਪਣੇ ਸੱਭਿਆਚਾਰ ਨੂੰ ਮਨਾਉਣਾ ਬੰਦ ਨਹੀਂ ਕਰ ਸਕਦੇ।