11.24C Vancouver 11.24C VancouverDec 8, 2023 5:16 PM - The Canadian Press
ਕਿਊਬੈਕ ਦੇ 420,000 ਪਬਲਿਕ ਸੈਕਟਰ ਵਰਕਰਾਂ ਦੀ ਨੁਮਾਇੰਦਗੀ ਕਰਨ ਵਾਲੀਆਂ ਯੂਨੀਅਨਾਂ ਨੇ ਸ਼ੁੱਕਰਵਾਰ ਤੋਂ ਸੱਤ ਦਿਨਾਂ ਦੀ ਹੜਤਾਲ ਸ਼ੁਰੂ ਕਰ ਦਿੱਤੀ ਹੈ।
ਯੂਨੀਅਨ ਦੇ ਆਗੂਆਂ ਦਾ ਕਹਿਣਾ ਹੈ ਕਿ ਜੇ ਤਨਖਾਹਾਂ ਅਤੇ ਕੰਮ ਕਰਨ ਦੇ ਹਾਲਾਤਾਂ ਨੂੰ ਲੈ ਕੇ ਇਸ ਮਹੀਨੇ ਦੇ ਅੰਤ ਤੱਕ ਡੀਲ ਨਹੀਂ ਹੁੰਦੀ ਤਾਂ ਇਹ ਹੜਤਾਲ ਅਣਮਿੱਥੇ ਸਮੇਂ ਲਈ ਕੀਤੀ ਜਾਵੇਗੀ। ਕੌਮਨ ਫਰੰਟ ਨਾਂ ਦੇ ਬੈਨਰ ਹੇਠ ਹੜਤਾਲ ਕਰ ਰਹੀਆਂ ਯੂਨੀਅਨ ਵਿੱਚ ਹੈਲਥ ਅਤੇ ਸਿੱਖਿਆ ਦੇ ਵਰਕਰ ਸ਼ਾਮਲ ਹਨ।
ਉੱਥੇ ਹੀ 23 ਨਵੰਬਰ ਤੋਂ ਹੜਤਾਲ ਕਰ ਰਹੇ ਅਧਿਆਪਕਾਂ ਨੇ ਵੀ ਇਨ੍ਹਾਂ ਨਾਲ ਹੱਥ ਮਿਲਾ ਲਿਆ ਹੈ। ਅਧਿਆਪਕਾਂ ਦੀ ਹੜਤਾਲ ਨੇ ਸੂਬੇ ਭਰ ਵਿੱਚ ਕਈ ਫ੍ਰੈਂਚ ਸਕੂਲਾਂ ਨੂੰ ਬੰਦ ਕਰ ਦਿੱਤਾ ਹੈ । ਕੌਮਨ ਫਰੰਟ ਦੀ ਹੜਤਾਲ 14 ਦਸੰਬਰ ਅੱਧੀ ਰਾਤ ਤੱਕ ਚੱਲਣ ਦੀ ਸੰਭਾਵਨਾ ਹੈ।
ਕਿਊਬੈਕ ਦੀ ਖਜ਼ਾਨਾ ਬੋਰਡ ਮੰਤਰੀ ਸੋਨੀਆ ਲੇਬਲ ਨੇ ਕਿਹਾ ਕਿ ਯੂਨੀਅਨਾਂ ਨਾਲ ਗੱਲਬਾਤ ਹੋ ਰਹੀ ਹੈ। ਉਨ੍ਹਾਂ ਕਿਹਾ ਕਿ ਸਰਕਾਰ ਨੇ ਨਵੇਂ ਇਕਰਾਰਨਾਮੇ ਦੀ ਪੇਸ਼ਕਸ਼ ਤਹਿਤ ਤਨਖਾਹਾਂ ਵਿੱਚ ਪੰਜ ਸਾਲਾਂ ਵਿੱਚ 12.7 ਫੀਸਦੀ ਦੀ ਵਾਧੇ ਦੀ ਪੇਸ਼ਕਸ਼ ਕੀਤੀ ਸੀ, ਜਿਸ ਨੂੰ ਕੌਮਨ ਫਰੰਟ ਨੇ ਇਸ ਹਫਤੇ ਦੇ ਸ਼ੁਰੂ ਵਿੱਚ ਰੱਦ ਕਰ ਦਿੱਤਾ ਹੈ।
