15.33C Vancouver 15.33C VancouverJan 6, 2022 8:38 PM - The Canadian Press
ਕਿਊਬੈਕ ਦੇ ਸਿਹਤ ਮੰਤਰੀ, ਕ੍ਰਿਸਟੀਅਨ ਡੁਬੇ ਦਾ ਕਹਿਣਾ ਹੈ ਕਿ ਸੂਬੇ 'ਚ ਕੋਵਿਡ-19 ਵੈਕਸੀਨ ਸੰਬੰਧੀ ਨਵੇਂ ਨਿਰਦੇਸ਼ ਲਾਗੂ ਕੀਤੇ ਜਾ ਰਹੇ ਹਨ, ਜਿਸ ਨਾਲ ਵੈਕਸੀਨ ਹਾਸਿਲ ਕਰਨ ਤੋਂ ਇਨਕਾਰ ਕਰਦੇ ਲੋਕਾਂ ਨੂੰ ਵੈਕਸੀਨ ਹਾਸਿਲ ਕਰਨ ਦੇ ਰਸਤੇ ਮੋੜਿਆ ਜਾ ਸਕੇ।
ਨਵੇਂ ਨਿਰਦੇਸ਼ ਲਾਗੂ ਕਰਨ ਦੀ ਜਾਣਕਾਰੀ ਦਿੱਤੀ ਗਈ ਹੈ ਜਿਸ ਨਾਲ ਕਿਊਬੈਕ 'ਚ ਸ਼ਰਾਬ ਅਤੇ ਕੈਨਬਿਸ ਦੇ ਸਟੋਰਸ 'ਤੇ ਵੈਕਸੀਨੇਸ਼ਨ ਪ੍ਰਮਾਣ ਪੇਸ਼ ਕਰਨ ਦੀ ਲੋੜ ਹੋਵੇਗੀ।
ਇਹ ਨਿਰਦੇਸ਼ 18 ਜਨਵਰੀ ਤੋਂ ਲਾਗੂ ਹੋਣ ਜਾ ਰਹੇ ਹਨ। ਡੁਬੇ ਨੇ ਕਿਹਾ ਕਿ ਵਧੇਰੇ ਸਰਵਿਸਿਸ ਨੂੰ ਜਲਦੀ ਹੀ 'ਪਰੂਫ ਆਫ ਵੈਕਸੀਨੇਸ਼ਨ' ਵਾਲੀ ਸੂਚੀ 'ਚ ਸ਼ਾਮਿਲ ਕੀਤਾ ਜਾਵੇਗਾ।
ਉਨ੍ਹਾਂ ਇਹ ਵੀ ਕਿਹਾ ਕਿ ਹੈਲਥ ਸਿਸਟਮ ਤੋਂ ਕਰੀਬ 20,000 ਵਰਕਰ ਗੈਰ-ਮੌਜੂਦ ਹਨ ਅਤੇ ਇਸ ਦੀ ਵਜ੍ਹਾ ਵਰਕਰਾਂ ਦਾ ਕੋਵਿਡ-19 ਤੋਂ ਪ੍ਰਭਾਵਿਤ ਹੋਣਾ ਦੱਸਿਆ ਗਿਆ।
ਸਰਕਾਰ ਵੱਲੋਂ ਯੂਨੀਅਨਸ ਨਾਲ ਮਿਲ ਕੇ ਕੰਮ ਕੀਤਾ ਜਾ ਰਿਹਾ ਹੈ ਜਿਸ ਨਾਲ ਕੋਵਿਡ-19 ਦੇ ਮਰੀਜਾਂ ਲਈ ਵਧੇਰੇ ਸਟਾਫ਼ ਦਾ ਪ੍ਰਬੰਧ ਕੀਤਾ ਜਾ ਸਕੇ।
ਇੱਕ ਪ੍ਰੋਵਿੰਸ਼ੀਅਲ ਹੈਲਥ ਕੇਅਰ ਰਿਸਰਚ ਇੰਸਟੀਟਿਊਟ ਦਾ ਕਹਿਣਾ ਹੈ ਕਿ ਕਰੀਬ 2 ਹਫਤਿਆਂ 'ਚ ਹਸਪਤਾਲ ਦੇ ਬਿਸਤਰਿਆਂ 'ਤੇ 3,000 ਤੋਂ ਵਧੇਰੇ ਕੋਵਿਡ-19 ਪੀੜਤਾਂ ਦੇ ਦਾਖਲੇ ਵੇਖਣ ਨੂੰ ਮਿਲ ਸਕਦੇ ਹਨ।
