ਕਿਊਬੈਕ ਟਰਾਂਸਪੋਰਟ ਮੰਤਰੀ ਨੇ ਸੀਟ ਬੈਲਟ ਨਾ ਪਹਿਨਣ 'ਤੇ ਮੰਗੀ ਮੁਆਫ਼ੀ

ਕਿਊਬੈਕ ਟਰਾਂਸਪੋਰਟ ਮੰਤਰੀ Geneviève Guilbault ਨੇ ਆਪਣੀ ਸੀਟ ਬੈਲਟ ਨਾ ਪਹਿਨਣ ਦੀਆਂ ਫੋਟੋਆਂ ਸਾਹਮਣੇ ਆਉਣ ਤੋਂ ਬਾਅਦ ਮੁਆਫੀ ਮੰਗੀ ਹੈ।

Guilbault ਜੋ ਕਿ ਡਿਪਟੀ ਪ੍ਰੀਮੀਅਰ ਵੀ ਹਨ, ਨੇ ਕੈਬਨਿਟ ਦੀ ਮੀਟਿੰਗ ਵਿੱਚ ਜਾਂਦੇ ਹੋਏ ਆਪਣੀ ਇਸ ਭੁੱਲ ਲਈ ਮੁਆਫੀ ਮੰਗੀ ਹੈ।

ਜਰਨਲ ਡੀ ਮਾਂਟਰੀਅਲ ਵੱਲੋਂ ਪ੍ਰਕਾਸ਼ਤ ਕੀਤੀਆਂ ਗਈਆਂ ਫੋਟੋਆਂ, ਤਿੰਨ ਸਾਲਾਂ ਦੇ ਸਮੇਂ ਵਿੱਚ ਲਈਆਂ ਗਈਆਂ ਸਨ ਅਤੇ Guilbault ਦੇ ਸੋਸ਼ਲ ਮੀਡੀਆ ਖਾਤਿਆਂ ਵਿੱਚ ਪੋਸਟ ਕੀਤੀਆਂ ਗਈਆਂ ਸਨ।

ਫੋਟੋਆਂ ਵਿੱਚ Guilbault ਗੱਡੀ ਚਲਾ ਰਹੀ ਸੀ ਜਾਂ ਵਾਹਨ ਵਿੱਚ ਇੱਕ ਯਾਤਰੀ ਵੱਜੋਂ ਸਵਾਰ ਸਨ।

Guilbault ਨੇ ਕਿਹਾ, "ਅਸੀਂ ਸਿਆਸਤਦਾਨ ਹਰ ਕਿਸੇ ਵਾਂਗ ਇਨਸਾਨ ਹਾਂ, ਅਸੀਂ ਵੀ ਗਲਤੀਆਂ ਕਰਦੇ ਹਾਂ ਅਤੇ ਮੈਂ ਇੱਕ ਵਿਅਕਤੀ ਵਜੋਂ ਬਹੁਤ ਅਪੂਰਣ ਹਾਂ।"

ਉਹਨਾਂ ਕਿਹਾ ਕਿ ਇੱਕ ਮੰਤਰੀ ਹੋਣ ਦੇ ਨਾਤੇ ਉਸਦਾ ਫਰਜ਼ ਬਣਦਾ ਹੈ ਕਿ ਉਹ ਇੱਕ ਮਿਸਾਲ ਕਾਇਮ ਕਰੇ।