12.78C Vancouver 12.78C VancouverOct 19, 2021 9:30 PM - The Canadian Press
ਬੀ.ਸੀ. ਦੇ ਟੋਫੀਨੋ ਇਲਾਕੇ 'ਚ ਕੁਝ ਛੋਟੀਆਂ ਕਿਸ਼ਤੀਆਂ 'ਤੇ ਕੀਤੇ ਗਏ ਬਚਾਅ ਕਾਰਜਾਂ ਦੇ ਚਲਦਿਆਂ 5 ਲੋਕਾਂ ਨੂੰ ਸੁਰੱਖਿਅਤ ਬਚਾ ਲਿਆ ਗਿਆ।
ਟੋਫੀਨੋ ਦੇ ਹਾਰਬਰ 'ਤੇ ਇੱਕ ਫਲੋਟ ਪਲੇਨ ਪਲਟਣ ਦੀ ਘਟਨਾ ਵਾਪਰ ਗਈ।
ਜਹਾਜ 'ਤੇ 5 ਲੋਕ ਸਵਾਰ ਸਨ।
ਵਿਕਟੋਰੀਆ ਦੇ ਜਾਇੰਟ ਰੈਸਕਿਊ ਕੋਆਰਡੀਨੇਸ਼ਨ ਸੈਂਟਰ ਦਾ ਕਹਿਣਾ ਹੈ ਕਿ ਇਸ ਛੋਟੇ ਹਵਾਈ ਜਹਾਜ ਦੀ ਪਲਟਣ ਤੋਂ ਪਹਿਲਾਂ ਇੱਕ ਛੋਟੀ ਕਿਸ਼ਤੀ ਨਾਲ ਟੱਕਰ ਹੋਈ ਹੋ ਸਕਦੀ ਹੈ।
ਘਟਨਾ ਸੋਮਵਾਰ ਦੁਪਹਿਰ ਵਾਪਰੀ ਦੱਸੀ ਗਈ ਹੈ।
ਕਿਸ਼ਤੀਆਂ 'ਤੇ ਬਚਾਅ ਲਈ ਪਹੁੰਚੇ ਲੋਕਾਂ ਦੇ ਆਸਰੇ ਪਾਈਲਟ ਅਤੇ 4 ਸਵਾਰੀਆਂ ਸੁਰੱਖਿਅਤ ਬਾਹਰ ਨਿਕਲ ਸਕੇ।
ਜਦ ਤਕ ਕੋਸਟ ਗਾਰਡ ਦੇ ਕਿਸ਼ਤੀ ਮੌਕੇ 'ਤੇ ਪਹੁੰਚੀ ਤਾਂ ਸਾਰੇ ਲੋਕਾਂ ਨੂੰ ਸੁਰੱਖਿਅਤ ਕੰਢੇ ਤਕ ਪਹੁੰਚਾ ਦਿੱਤਾ ਗਿਆ ਸੀ।
ਕਿਸੇ ਦੇ ਗੰਭੀਰ ਜਖਮੀ ਹੋਣ ਤੋਂ ਬਚਾਅ ਰਿਹਾ।
