ਰਾਹੁਲ ਗਾਂਧੀ ਨੇ ਛੱਡੀ ਵਾਇਨਾਡ ਲੋਕ ਸਭਾ ਸੀਟ, ਪ੍ਰਿਅੰਕਾ ਗਾਂਧੀ ਲੜਨਗੇ ਉਪ ਚੋਣ

ਕਾਂਗਰਸ ਲੀਡਰ ਰਾਹੁਲ ਗਾਂਧੀ ਨੇ ਕੇਰਲ ਦੀ ਵਾਇਨਾਡ ਸੀਟ ਤੋਂ ਅਸਤੀਫਾ ਦੇਣ ਦਾ ਫੈਸਲਾ ਕੀਤਾ ਹੈ। ਉਹ ਦੋ ਲੋਕ ਸਭਾ ਸੀਟਾਂ ਤੋਂ ਚੋਣ ਜਿੱਤੇ ਸਨ, ਜਿਸ ਕਾਰਨ ਉਨ੍ਹਾਂ ਨੂੰ ਇੱਕ ਸੀਟ ਛੱਡਣੀ ਪੈਣੀ ਸੀ।

ਉਹ ਹੁਣ ਯੂਪੀ ਦੀ ਰਾਇਬਰੇਲੀ ਸੀਟ ਦੀ ਹੀ ਨੁਮਾਇੰਦਗੀ ਕਰਨਗੇ ਅਤੇ ਵਾਇਨਾਡ ਤੋਂ ਪ੍ਰਿਯੰਕਾ ਗਾਂਧੀ ਵਾਡਰਾ ਜ਼ਿਮਨੀ ਚੋਣ ਲੜੇਗੀ। ਪ੍ਰਿਯੰਕਾ ਨੇ ਕਿਹਾ ਕਿ ਉਹ ਅਤੇ ਉਨ੍ਹਾਂ ਦੇ ਭਰਾ ਰਾਹੁਲ ਗਾਂਧੀ ਰਾਇਬਰੇਲੀ ਅਤੇ ਵਾਇਨਾਡ ਦੋਹਾਂ ਦਾ ਦੌਰਾ ਕਰਦੇ ਰਹਿਣਗੇ।

ਇਸ ਦੇ ਨਾਲ ਹੀ ਗਾਂਧੀ ਪਰਿਵਾਰ ਵਿਚੋਂ ਪ੍ਰਿਯੰਕਾ ਗਾਂਧੀ ਵਾਡਰਾ ਦੀ ਵੀ ਰਾਜਨੀਤੀ ਵਿਚ ਸਿੱਧੀ ਐਂਟਰੀ ਹੋ ਗਈ ਹੈ। ਵਾਇਨਾਡ ਉਨ੍ਹਾਂ ਲਈ ਸੇਫ ਸੀਟ ਮੰਨੀ ਜਾ ਰਹੀ ਹੈ।