9.74C Vancouver 9.74C VancouverNov 30, 2020 11:01 PM -
ਪ੍ਰੀਮਿਅਰ ਜੌਨ ਹੌਰਗਨ ਵੱਲੋਂ ਨਿਯੁਕਤ ਕੀਤੇ ਗਏ ਨਵੇਂ ਕੈਬਿਨੇਟ ਮੰਤਰੀ ਵੱਲੋਂ ਕਿਹਾ ਗਿਆ ਹੈ ਕਿ ਉਹ ਇੱਕ ਵੱਡੀ ਟੀਮ ਗਠਿਤ ਕਰਨਗੇ, ਜੋ ਕਿ ਸਰਕਾਰ ਦੇ ਅੰਦਰੋਂ ਅਤੇ ਬਾਹਰੋਂ ਵਿੱਤੀ ਰਿਕਵਰੀ ਦੀ ਕੋਸ਼ਿਸ਼ ਕਰੇਗੀ।
ਰਵੀ ਕਾਹਲੋਂ ਦਾ ਕਹਿਣਾ ਹੈ ਕਿ ਕੋਵਿਡ-19 ਪੈਂਡੇਮਿਕ ਵਿਚਾਲੇ ਕਈ ਵਪਾਰਾਂ, ਭਾਈਚਾਰਿਆਂ ਅਤੇ ਸਰਕਾਰਾਂ ਵੱਲੋਂ ਨਵੇਂ ਤਰੀਕੇ ਅਪਣਾਏ ਗਏ ਹਨ, ਅਤੇ ਉਨ੍ਹਾਂ ਨੇ ਅਜਿਹਾ ਟੀਮ ਵਰਕ ਰੱਖਣ ਦੀ ਗੱਲ ਆਖੀ ਹੈ।
ਉਨ੍ਹਾਂ ਕਿਹਾ ਕਿ ਜੌਬਸ, ਇਕਨਾਮਿਕ ਰਿਕਵਰੀ ਅਤੇ ਇਨੋਵੇਸ਼ਨ ਮੰਤਰੀ ਵਜੋਂ, ਉਨ੍ਹਾਂ ਦੀ ਸ਼ੁਰੂਆਤੀ ਤਰਜੀਹ ਛੋਟੇ ਵਪਾਰਾਂ ਨੂੰ ਪੈਂਡੇਮਿਕ ਦਰਮਿਆਨ ਮਦਦ ਕਰਨ ਦੀ ਰਹੇਗੀ।
ਇਸ ਤੋਂ ਪਹਿਲਾਂ ਰਵੀ ਕਾਹਲੋਂ, ਫੌਰੈਸਟਸ ਮਿਨਿਸਟਰੀ 'ਚ ਇੱਕ ਪਾਰਲੀਮਾਨੀ ਸਕੱਤਰ ਦੀ ਭੂਮਿਕਾ ਨਿਭਾ ਚੁੱਕੇ ਹਨ, ਜਿੱਥੇ ਉਹ ਵਰਕਰਾਂ, ਵਪਾਰਾਂ ਅਤੇ ਭਾਈਚਾਰਿਆਂ ਦੇ ਇੰਡਸਟਰੀ ਡਾਊਨਟਰਨ 'ਤੇ ਧਿਆਨ ਕੇਂਦਰਿਤ ਕਰ ਰਹੇ ਸਨ।
