9.29C Vancouver 9.29C VancouverSep 20, 2021 9:33 AM -
ਪੰਜਾਬ ਕਾਂਗਰਸ ਇੰਚਾਰਜ ਹਰੀਸ਼ ਰਾਵਤ ਵੱਲੋਂ ਇਹ ਸੰਕੇਤ ਦੇਣ ਕਿ ਆਉਣ ਵਾਲਿਆਂ ਵਿਧਾਨ ਸਭਾ ਚੋਣਾਂ ਨਵਜੋਤ ਸਿੰਘ ਸਿੱਧੂ ਦੀ ਕਮਾਨ ਹੇਠਾਂ ਹੀ ਲੜੀਆਂ ਜਾਣਗੀਆਂ, ਤੋਂ ਇੱਕ ਦਿਨ ਮਗਰੋਂ, ਕਾਂਗਰਸ ਦੇ ਸਾਬਕਾ ਸੂਬਾਈ ਪ੍ਰਧਾਨ ਸੁਨੀਲ ਜਾਖੜ ਨੇ ਅੱਜ ਸੋਮਵਾਰ ਨੂੰ ਇਸ ਬਿਆਨ 'ਤੇ ਐਤਰਾਜ਼ ਜ਼ਾਹਰ ਕੀਤਾ ਅਤੇ ਆਖਿਆ ਕਿ ਰਾਵਤ ਦੀਆਂ ਟਿੱਪਣੀਆਂ ਹੈਰਾਨ ਕਰਨ ਵਾਲੀਆਂ ਹਨ।
ਨਵਜੋਤ ਸਿੰਘ ਸਿੱਧੂ ਨੂੰ ਪ੍ਰਧਾਨ ਬਣਾਉਣ ਲਈ ਰਾਹ ਪੱਧਰਾ ਕਰਨ ਵਾਸਤੇ, ਜੁਲਾਈ ਮਹੀਨੇ ਵਿੱਚ ਪੰਜਾਬ ਕਾਂਗਰਸ ਦੇ ਪ੍ਰਧਾਨ ਦੇ ਅਹੁਦੇ ਤੋਂ ਹਟਾਏ ਗਏ ਜਾਖੜ ਨੇ ਟਵੀਟ ਕੀਤਾ,"ਚਰਨਜੀਤ ਚੰਨੀ ਦੇ ਸੀਐੱਮ ਦੇ ਅਹੁਦੇ ਲਈ ਸਹੁੰ ਚੁੱਕਣ ਵਾਲੇ ਦਿਨ ਰਾਵਤ ਦਾ ਬਿਆਨ ਕਿ "ਚੋਣਾਂ ਸਿੱਧੂ ਦੀ ਕਮਾਨ ਹੇਠ ਲੜੀਆਂ ਜਾਣਗੀਆਂ", ਹੈਰਾਨ ਕਰਨ ਵਾਲਾ ਹੈ। ਇਸ ਤਰਾਂ ਕਰਨਾ ਸੀਐੱਮ ਦੇ ਅਧਿਕਾਰ ਨੂੰ ਅਣਗੋਲਿਆਂ ਕਰਨਾ ਹੀ ਨਹੀਂ, ਬਲਕਿ ਉਸਦੇ ਇਸ ਅਹੁਦੇ ਦੀ ਚੋਣ 'ਤੇ ਅਸੰਤੁਸ਼ਟੀ ਜ਼ਾਹਿਰ ਕਰਨਾ ਵੀ ਹੈ।"
ਇਹ ਧਿਆਨ ਦੇਣ ਯੋਗ ਹੈ ਕਿ ਜਾਖੜ, ਕੈਪਟਨ ਅਮਰਿੰਦਰ ਸਿੰਘ ਦੇ ਸ਼ਨੀਵਾਰ ਨੂੰ ਦਿੱਤੇ ਅਸਤੀਫ਼ੇ ਮਗਰੋਂ ਮੁੱਖ ਮੰਤਰੀ ਦੇ ਅਹੁਦੇ ਦੇ ਮੂਹਰਲੇ ਦਾਅਵੇਦਾਰਾਂ ਵਿੱਚੋਂ ਸਨ।
ਜਾਖੜ, ਸਿੱਧੂ, ਪ੍ਰਤਾਪ ਸਿੰਘ ਬਾਜਵਾ ਅਤੇ ਸੁਖਜਿੰਦਰ ਸਿੰਘ ਰੰਧਾਵਾ ਸਣੇ, ਪੰਜਾਬ ਦੇ ਮੁੱਖ ਮੰਤਰੀ ਦੇ ਅਹੁਦੇ ਦੇ ਚਾਰ ਦਾਅਵੇਦਾਰਾਂ ਵਿੱਚੋਂ ਇੱਕ ਸਨ।
ਗੱਲਬਾਤ ਦੇ ਕਈ ਗੇੜਾਂ ਮਗਰੋਂ, ਪੰਜਾਬ ਦੇ ਪਹਿਲੇ ਦਲਿਤ ਮੁੱਖ ਮੰਤਰੀ, ਚੰਨੀ ਨੂੰ ਪਾਰਟੀ ਹਾਈ ਕਮਾਂਡ ਵੱਲੋਂ ਇਸ ਅਹੁਦੇ ਲਈ ਚੁਣਿਆ ਗਿਆ।
ਇਸ ਵਿਚਾਲੇ, ਸੁਖਜਿੰਦਰ ਸਿੰਘ ਰੰਧਾਵਾ ਅਤੇ ਓ ਪੀ ਸੋਨੀ ਡਿਪਟੀ ਮੁੱਖ ਮੰਤਰੀ ਹੋਣਗੇ, ਜੋ ਅਗਲੇ ਸਾਲ ਹੋਣ ਵਾਲੀਆਂ ਵਿਧਾਨ ਸਭਾ ਚੋਣਾਂ ਤੋਂ ਪਹਿਲਾਂ ਦੇ ਔਖੇ ਵੇਲੇ ਦੌਰਾਨ ਵੱਖੋ-ਵੱਖ ਜ਼ਾਤਾਂ ਦਾ ਮਿਸ਼ਰਣ ਬਣ ਕੇ ਵੇਲਾ ਵਿਆਹੁਣਗੇ।
