23.96C Vancouver 23.96C VancouverJun 8, 2020 4:28 PM -
ਅਧਿਕਾਰੀਆਂ ਵੱਲੋਂ ਮੇਪਲ ਰਿੱਜ ਵਿੱਚ ਉਸ ਛੋਟੇ ਜਹਾਜ਼ ਦੀ ਭਾਲ ਜਾਰੀ ਹੈ ਜਿਸ ਵਿਚ ਦੋ ਵਿਅਕਤੀ ਸਵਾਰ ਸਨ ਅਤੇ ਜਿਸ ਨੂੰ ਆਖਰੀ ਵਾਰ ਫਰੇਜ਼ਰ ਰਿਵਰ ਦੇ ਉੱਪਰ ਦੀ ਉੱਡਦਿਆਂ ਅਤੇ ਫਿਰ ਪਾਣੀ ਵਿੱਚ ਡਿੱਗ ਕੇ ਗਾਇਬ ਹੁੰਦਿਆਂ ਸ਼ਨੀਵਾਰ ਨੂੰ ਦੇਖਿਆ ਗਿਆ ਸੀ।
ਰਿੱਜ ਮੈਡੋਜ਼ ਆਰ.ਸੀ.ਐੱਮ.ਪੀ. ਮੁਤਾਬਕ ਉਨ੍ਹਾਂ ਨੂੰ ਸ਼ਨੀਵਾਰ ਦੁਪਹਿਰ 1 ਵਜੇ 287 ਸਟ੍ਰੀਟ ਅਤੇ ਲੋਹੀਡ ਹਾਈਵੇਅ ਤੋਂ ਇੱਕ ਗਵਾਹ ਤੋਂ ਇਹ ਰਿਪੋਰਟ ਮਿਲੀ।
ਰਿੱਜ ਮੈਡੋਜ਼ ਆਰ.ਸੀ.ਐਮ.ਪੀ., ਵੈਨਕੂਵਰ ਪੁਲਿਸ ਵਿਭਾਗ ਦੇ ਮਰੀਨ ਯੂਨਿਟ, ਆਰ.ਸੀ.ਐਮ.ਪੀ. ਏਅਰ ਸਰਵਿਸਜ਼ ਅਤੇ ਹੋਰ ਅਧਿਕਾਰੀਆਂ ਵੱਲੋਂ ਸ਼ਨੀਵਾਰ ਨੂੰ ਜਹਾਜ਼ ਜਾਂ ਮਲਬੇ ਨੂੰ ਲੱਭਣ ਦੇ ਯਤਨ ਕੀਤੇ ਗਏ ਜੋ ਕਿ ਅਸਫਲ ਸਾਬਤ ਹੋਏ।
ਆਰ.ਸੀ.ਐੱਮ.ਪੀ. ਮੁਤਾਬਕ ਐਤਵਾਰ ਦੁਪਹਿਰ ਨੂੰ ਉਨ੍ਹਾਂ ਨੂੰ ਬਾਊਂਡਰੀ ਬੇਅ ਹਵਾਈ ਅੱਡੇ ਤੋਂ ਇੱਕ ਛੋਟੇ ਜਹਾਜ਼ ਦੇ ਲਾਪਤਾ ਹੋਣ ਦੀ ਖਬਰ ਮਿਲੀ ਜਿਸ ਦਾ ਹੁਲੀਆ ਗਵਾਹ ਦੇ ਵੇਰਵੇ ਨਾਲ ਮਿਲਦਾ ਜੁਲਦਾ ਸੀ।
ਹਵਾਈ ਅੱਡੇ ਦੀ ਜਾਣਕਾਰੀ ਅਨੁਸਾਰ ਜਹਾਜ਼ ਵਿੱਚ ਦੋ ਵਿਅਕਤੀ ਸਫਰ ਕਰ ਰਹੇ ਸਨ ਅਤੇ ਪਾਇਲਟ ਦੀ ਉਸ ਇਲਾਕੇ ਵਿੱਚ ਜਾਣ ਦੀ ਕੋਈ ਯੋਜਨਾ ਨਹੀਂ ਸੀ ਜਿੱਥੋਂ ਜਹਾਜ਼ ਦੇ ਲਾਪਤਾ ਹੋਣ ਦੀ ਰਿਪੋਰਟ ਮਿਲੀ ਹੈ।
ਟਰਾਂਸਪੋਰਟੇਸ਼ਨ ਸੇਫਟੀ ਬੋਰਡ ਮੁਤਾਬਕ ਜਹਾਜ਼ ਤੇ ਸਵਾਰ ਯਾਤਰੀਆਂ ਦੇ ਪਰਿਵਾਰਾਂ ਨੂੰ ਸੰਪਰਕ ਕਰ ਲਿਆ ਗਿਆ ਹੈ।
ਅਧਿਕਾਰੀਆਂ ਵੱਲੋਂ ਸ਼ਨੀਵਾਰ ਨੂੰ ਰਾਤ 7 ਵਜੇ ਤੱਕ ਅਤੇ ਫਿਰ ਐਤਵਾਰ ਨੂੰ ਜਹਾਜ਼ ਨੂੰ ਲੱਭਣ ਦੇ ਯਤਨ ਕੀਤੇ ਗਏ ਪਰ ਨਾ ਹੀ ਕੋਈ ਮਲਬਾ ਬਰਾਮਦ ਹੋਇਆ ਅਤੇ ਨਾ ਹੀ ਜਹਾਜ਼ ਵਿੱਚ ਸਵਾਰ ਦੋਵੇਂ ਵਿਅਕਤੀਆਂ ਨਾਲ ਸੰਪਰਕ ਕਰਨ ਵਿੱਚ ਕਾਮਯਾਬੀ ਮਿਲ ਸਕੀ।
