16.05C Vancouver 16.05C VancouverJun 8, 2021 5:22 PM -
ਚਿਲਿਵੈਕ 'ਚ ਆਰ.ਸੀ.ਐਮ.ਪੀ. ਵੱਲੋਂ 2 ਵੱਖਰੀਆਂ ਚਾਕੂ ਚੱਲਣ ਦੀਆਂ ਵਾਰਦਾਤਾਂ ਦੀ ਜਾਂਚ ਕੀਤੀ ਜਾ ਰਹੀ ਹੈ।
ਪੁਲਿਸ ਬੁਲਾਰੀ ਸਾਰਜੈਂਟ ਕ੍ਰਿਸਟਾ ਵਰੋਲਿਕ ਦਾ ਕਹਿਣਾ ਸੀ ਕਿ ਦੋਵੇਂ ਮਾਮਲੇ ਉਕਸਾਏ ਜਾਣ ਕਾਰਨ ਵਾਪਰੇ ਨਹੀਂ ਜਾਪਦੇ ਜੋ ਕਿ ਚਿੰਤਾ ਦਾ ਵਿਸ਼ਾ ਹੈ।
ਉਨ੍ਹਾਂ ਕਿਹਾ ਕਿ ਲੋਕਾਂ ਨੂੰ ਆਪਣੇ ਆਲੇ-ਦੁਆਲੇ ਦਾ ਖਿਆਲ ਰੱਖਣਾ ਚਾਹੀਦਾ ਹੈ ਅਤੇ ਸਾਵਧਾਨ ਰਹਿਣਾ ਚਾਹੀਦਾ ਹੈ।
ਉਨ੍ਹਾਂ ਕਿਹਾ ਕਿ ਜੇਕਰ ਲੋਕਾਂ ਨੂੰ ਕੁਝ ਵੀ ਸ਼ੱਕੀ ਜਾਪਦਾ ਹੈ ਤਾਂ ਪੁਲਿਸ ਨਾਲ ਸੰਪਰਕ ਕੀਤਾ ਜਾਵੇ।
ਪੁਲਿਸ ਨੇ ਦੱਸਿਆ ਕਿ ਇੱਕ ਘਟਨਾ 'ਚ 58 ਸਾਲਾ ਵਿਅਕਤੀ ਨੂੰ ਨਿਸ਼ਾਨਾ ਬਣਾਇਆ ਗਿਆ।
ਉਸ ਨੂੰ ਅਚਾਨਕ ਚਾਕੂ ਮਾਰ ਦਿੱਤੇ ਗਏ ਪਰ ਉਹ ਖੁਦ ਹਸਪਤਾਲ ਤਕ ਪਹੁੰਚਣ 'ਚ ਕਾਮਯਾਬ ਰਿਹਾ।
ਹਾਲਾਂਕਿ ਇਸ ਘਟਨਾ ਤੋਂ ਕਰੀਬ 45 ਮਿੰਟ ਬਾਅਦ ਇਸੇ ਇਲਾਕੇ 'ਚ ਇੱਕ 80 ਸਾਲਾ ਵਿਅਕਤੀ 'ਤੇ ਚਾਕੂ ਚਲਾ ਦਿੱਤੇ ਗਏ।
ਇਸ ਵਿਅਕਤੀ ਦੀ ਹਾਲਤ ਗੰਭੀਰ ਦੱਸੀ ਗਈ ਹੈ।
