17.98C Vancouver 17.98C VancouverJul 14, 2021 7:36 PM -
ਸਰੀ ਆਰ.ਸੀ.ਐਮ.ਪੀ. ਦੇ ਸਪੈਸ਼ਲ ਵਿਕਟਿਮ ਯੂਨਿਟ ਵੱਲੋਂ 2 ਜਿਨਸੀ ਹਮਲਿਆਂ ਸੰਬੰਧੀ ਘਟਨਾਵਾਂ ਦੀ ਜਾਂਚ ਕੀਤੀ ਜਾ ਰਹੀ ਹੈ।
ਇਹ ਘਟਨਾਵਾਂ ਗਿਲਡਫੋਰਡ ਇਲਾਕੇ 'ਚ ਵਾਪਰੀਆਂ ਹਨ।
ਪਹਿਲੀ ਘਟਨਾ 9 ਜੁਲਾਈ ਨੂੰ ਰਾਤ ਕਰੀਬ 9.50 ਮਿੰਟ 'ਤੇ ਵਾਪਰੀ ਸੀ।
ਇੱਕ ਔਰਤ 104 ਐਵੀਨਿਊ ਅਤੇ 14200 ਬਲੌਕ ਕੋਲ ਤੁਰ ਕੇ ਜਾ ਰਹੀ ਸੀ।
ਉਸ ਦੀ ਇੱਕ ਅਣਜਾਣ ਆਦਮੀ ਨਾਲ ਮੁਲਾਕਾਤ ਹੋਈ।
ਦੋਵੇਂ 'ਹੌਥੋਰਨ ਪਾਰਕ' ਵਿੱਚ ਪਹੁੰਚੇ ਤਾਂ ਆਦਮੀ ਨੇ ਔਰਤ 'ਤੇ ਜਿਨਸੀ ਹਮਲਾ ਕੀਤਾ।
ਇਹ ਔਰਤ ਕਿਸੇ ਤਰ੍ਹਾਂ ਖੁਦ ਨੂੰ ਛੁਡਾ ਕੇ ਮੌਕੇ ਤੋਂ ਭੱਜ ਨਿਕਲੀ।
ਇਸ ਵਿਅਕਤੀ ਨੂੰ ਭਾਲਣ ਦੀਆਂ ਕੋਸ਼ਿਸ਼ਾਂ ਨਾਕਾਮ ਰਹੀਆਂ।
ਇਸ ਘਟਨਾ 'ਚ ਸ਼ੱਕੀ ਨੂੰ ਸਿਆਹ ਰੰਗ ਦਾ ਕਰੀਬ 6'2" ਲੰਮਾ ਵਿਅਕਤੀ ਦੱਸਿਆ ਗਿਆ।
ਦੂਜੀ ਘਟਨਾ 12 ਜੁਲਾਈ ਨੂੰ ਤੜਕੇ ਕਰੀਬ 12.34 ਮਿੰਟ 'ਤੇ ਵਾਪਰੀ ਜਦ ਇੱਕ ਔਰਤ 'ਟਾਈਨਹੈਡ ਪਾਰਕ' ਕੋਲ ਤੁਰ ਕੇ ਜਾ ਰਹੀ ਸੀ।
ਉਸ ਨੂੰ ਪਿੱਛੇ ਤੋਂ ਇੱਕ ਆਦਮੀ ਨੇ ਧੱਕਾ ਮਾਰ ਕੇ ਡੇਗ ਦਿੱਤਾ ਅਤੇ ਉਸ 'ਤੇ ਜਿਨਸੀ ਹਮਲਾ ਕੀਤਾ।
ਘਟਨਾ ਤੋਂ ਬਾਅਦ ਆਦਮੀ ਮੌਕੇ ਤੋਂ ਦੌੜ ਗਿਆ ਅਤੇ ਲੜਕੀ ਨੇ ਮਦਦ ਹਾਸਿਲ ਕੀਤੀ।
ਇਸ ਘਟਨਾ 'ਚ ਸ਼ਾਮਿਲ ਆਦਮੀ ਨੂੰ ਸਿਆਹ ਰੰਗ ਦਾ ਕਰੀਬ 6'1" ਲੰਮਾ ਵਿਅਕਤੀ ਦੱਸਿਆ ਗਿਆ।
ਇਸ ਵਿਅਕਤੀ ਦਾ ਇੱਕ ਸਕੈੱਚ ਵੀ ਜਾਰੀ ਕੀਤਾ ਜਾ ਰਿਹਾ ਹੈ।
ਪੁਲਿਸ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਘਟਨਾਵਾਂ ਬਾਰੇ ਕੋਈ ਜਾਣਕਾਰੀ ਹੋਵੇ ਤਾਂ ਪੁਲਿਸ ਨੂੰ ਦੱਸਿਆ ਜਾਵੇ।
