13.08C Vancouver 13.08C VancouverJun 29, 2021 1:28 AM -
ਬੀ.ਸੀ. 'ਚ ਲੀਲੋਏਟ ਦੇ ਇਲਾਕੇ 'ਚ ਪੁਲਿਸ ਅਤੇ ਕੋਰੋਨਰ ਵੱਲੋਂ 3 ਲੋਕਾਂ ਦੀ ਮੌਤ ਦੀ ਘਟਨਾ ਦੀ ਜਾਂਚ ਕੀਤੀ ਜਾ ਰਹੀ ਹੈ।
ਘਟਨਾ ਸੈਟਨ ਲੇਕ 'ਚ ਵਾਪਰੀ ਦੱਸੀ ਗਈ ਹੈ।
ਇੱਕ ਕਿਸ਼ਤੀ ਸਵਾਰ ਨੂੰ 3 ਲੋਕਾਂ ਦੇ ਮ੍ਰਿਤ ਸ਼ਰੀਰ ਪਾਣੀ 'ਚ ਵਿਖਾਈ ਦਿੱਤੇ ਸਨ।
ਐਤਵਾਰ ਦੀ ਸਵੇਰ ਇਹਨਾਂ ਮ੍ਰਿਤ ਸ਼ਰੀਰਾਂ ਦੇ ਕੋਲ ਇੱਕ ਨਸ਼ਟ ਹੋਈ ਕਿਸ਼ਤੀ ਦੇ ਟੁਕੜੇ ਵੀ ਪਏ ਸਨ।
ਇਸ ਤੋਂ ਪਹਿਲਾਂ ਹੀ ਭਾਲ ਟੀਮਾਂ ਨੇ ਅਭਿਆਨ ਸ਼ੁਰੂ ਕਰ ਦਿੱਤਾ ਸੀ ਕਿਉਂਕਿ ਤੜਕੇ ਕਰੀਬ 2 ਵਜੇ ਉਨ੍ਹਾਂ ਨੂੰ ਕਿਸੇ ਕਿਸ਼ਤੀ ਸੰਬੰਧੀ ਕੋਈ ਘਟਨਾ ਰਿਪੋਰਟ ਕੀਤੀ ਗਈ ਸੀ।
ਕਿਸੇ ਵਿਅਕਤੀ ਨੇ ਇੱਕ ਪਾਵਰਬੋਟ ਦੇ ਕੋਲੋਂ ਲੰਘਣ ਦੀ ਆਵਾਜ਼ ਸੁਣਨ ਤੋਂ ਕੁਝ ਹੀ ਸਮੇਂ 'ਚ ਇੱਕ ਵੱਡੇ ਧਮਾਕੇ ਜਿਹਾ ਖੜਕਾ ਸੁਣਿਆ ਸੀ।
ਤਿੰਨੇ ਮ੍ਰਿਤਕ ਲੋਕਾਂ ਦੀ ਪਛਾਣ ਹੋ ਗਈ ਹੈ।
ਹਾਲਾਂਕਿ ਫਿਲਹਾਲ ਇਹਨਾਂ ਪੀੜਤਾਂ ਦੀ ਪਛਾਣ ਜਨਤਕ ਨਹੀਂ ਕੀਤੀ ਗਈ ਹੈ।
ਪੀੜਤਾਂ 'ਚ 2 ਆਦਮੀ ਅਤੇ ਇੱਕ ਔਰਤ ਦੱਸੀ ਗਈ ਹੈ।
