13.92C Vancouver 13.92C VancouverFeb 12, 2024 4:17 PM - The Canadian Press
ਬਿ੍ਰਟਿਸ਼ ਕੋਲੰਬੀਆ ਦੀ ਕੋਮੋਕਸ ਵੈਲੀ ਦੀ ਪੁਲਿਸ ਵਲੋਂ ਇਕ ਘਾਤਕ ਹਿੱਟ ਐਂਡ ਰਨ ਮਾਮਲੇ ਨਾਲ ਜੁੜਿਆ ਇਕ ਵਾਹਨ ਲੱਭਣ ਦਾ ਦਾਅਵਾ ਕੀਤਾ ਜਾ ਰਿਹਾ ਹੈ ਜਿਸ ਵਿਚ ਬੀਤੇ ਹਫਤੇ ਇਕ ਸਾਇਕਲ ਸਵਾਰ ਦੀ ਜਾਨ ਚਲੀ ਗਈ ਸੀ।
ਅਸਲ ਵਿਚ ਵੀਰਵਾਰ ਰਾਤ 11 ਵਜੇ ਦੇ ਕਰੀਬ ਪੁਲਿਸ ਨੂੰ ਕੋਰਟਨੇ ਵਿਚ ਮਿੰਟੋ ਰੋਡ ਨੇੜੇ ਕੋਮੋਕਸ ਵੈਲੀ ਪਾਰਕਵੇਅ ’ਤੇ ਇਕ ਜ਼ਖਮੀ ਸਾਈਕਲ ਸਵਾਰ ਦੀ ਸੂਚਨਾ ਮਿਲੀ ਸੀ।
ਪੁਲਿਸ ਅਨੁਸਾਰ ਮੌਕੇ ’ਤੇ ਪੈਰਾਮੈਡਿਕਸ ਅਤੇ ਫਾਇਰਫਾਈਟਰਜ਼ ਵੀ ਮੌਜੂਦ ਸਨ ਜਿਨ੍ਹਾਂ ਨੇ ਉਸ ਜ਼ਖਮੀ ਵਿਅਕਤੀ ਨੂੰ ਜ਼ਰੂਰੀ ਐਮਰਜੈਂਸੀ ਮੁੱਢਲੀ ਸਹਾਇਤਾ ਵੀ ਦਿੱਤੀ ਪਰ ਉਸਦੀ ਹਸਪਤਾਲ ਵਿਚ ਮੌਤ ਹੋ ਗਈ।
ਆਰ.ਸੀ.ਐੱਮ.ਪੀ. ਦਾ ਕਹਿਣਾ ਹੈ ਕਿ ਵੈਨਕੂਵਰ ਆਈਲੈਂਡ ਦੀ ਇੰਟੀਗ੍ਰੇਟਿਡ ਮੇਜਰ ਕ੍ਰਾਈਮ ਯੂਨਿਟ ਵਲੋਂ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ ਅਤੇ ਸ਼ੱਕੀ ਵਾਹਨ ਨੂੰ ਲੱਭ ਲਿਆ ਗਿਆ ਹੈ।
ਪੁਲਿਸ ਵਲੋਂ ਇਸ ਮਾਮਲੇ ਵਿਚ ਕਿਸੇ ਦੀ ਗ੍ਰਿਫ਼ਤਾਰੀ ਬਾਰੇ ਅਜੇ ਕੋਈ ਖੁਲਾਸਾ ਨਹੀਂ ਕੀਤਾ ਗਿਆ ਹੇ। ਜਾਂਚਕਰਤਾਵਾਂ ਵਲੋਂ ਇਸ ਘਟਨਾ ਨਾਲ ਸੰਬੰਧਿਤ ਕੋਈ ਡੈਸ਼ਕੈਮ ਫੁਟੇਜ ਜਾਂ ਕਿਸੇ ਵੀ ਤਰ੍ਹਾਂ ਦੀ ਜਾਣਕਾਰੀ ਹੋਣ ’ਤੇ ਲੋਕਾਂ ਨੂੰ ਅੱਗੇ ਆ ਕੇ ਮਦਦ ਕਰਨ ਦੀ ਅਪੀਲ ਕੀਤੀ ਜਾ ਰਹੀ ਹੈ।
