16.39C Vancouver 16.39C VancouverMay 4, 2020 1:56 PM -
ਆਰ.ਸੀ.ਐੱਮ.ਪੀ. ਮੁਤਾਬਕ ਚਿਲਿਵੈਕ ਦੇ ਵਿੱਚ ਵਾਪਰੀ ਇੱਕ ਦੁਰਘਟਨਾ ਤੋਂ ਬਾਅਦ, ਦੋ ਬੱਚਿਆਂ ਦੀਆਂ ਮ੍ਰਿਤਕ ਦੇਹਾਂ ਬਰਾਮਦ ਕਰ ਲਈਆਂ ਗਈਆਂ ਹਨ।
ਸਾਰਜੰਟ ਕ੍ਰਿਸਟਾ ਵਰੌਲਿਕ ਦਾ ਕਹਿਣਾ ਹੈ ਕਿ ਐਤਵਾਰ ਨੂੰ ਚਿਲਿਵੈਕ ਦੇ ਨਜ਼ਦੀਕ ਫੌਲੀ ਕ੍ਰੀਕ ਫੌਰੈਸਟ ਸਰਵਿਸ ਰੋਡ ਤੇ ਇੱਕ ਗੱਡੀ ਸੰਤੁਲਨ ਗਵਾ ਲੈਣ ਤੋਂ ਬਾਅਦ ਇੱਕ ਲੇਕ ਵਿੱਚ ਜਾ ਡਿੱਗੀ।
ਗੱਡੀ ਵਿੱਚ ਇੱਕ ਪਰਿਵਾਰ ਦੇ 5 ਮੈਂਬਰ ਸਵਾਰ ਸਨ ਅਤੇ ਆਰ.ਸੀ.ਐੱਮ.ਪੀ. ਮੁਤਾਬਕ ਵਾਹਨ ਪਾਣੀ ਵਿੱਚ ਤਕਰੀਬਨ 4.5 ਮੀਟਰ ਡੁੱਬ ਗਿਆ ਸੀ।
ਦੋ ਬਾਲਗ ਵਿਅਕਤੀ ਅਤੇ ਇੱਕ ਬੱਚਾ ਬਚਣ ਵਿੱਚ ਕਾਮਯਾਬ ਹੋ ਗਏ ਪਰ ਦੋ ਬੱਚੇ ਕਾਫੀ ਸਮਾਂ ਲਾਪਤਾ ਰਹੇ।
ਆਰ.ਸੀ.ਐਮ.ਪੀ. ਦੀ ਡਾਈਵ ਟੀਮ ਕਈ ਘੰਟੇ ਇਲਾਕੇ ਵਿੱਚ ਬੱਚਿਆਂ ਦੀ ਭਾਲ ਕਰਦੀ ਰਹੀ ਅਤੇ ਆਖਿਰਕਾਰ ਦੋਵੇਂ ਬੱਚਿਆਂ ਦੀਆਂ ਮ੍ਰਿਤਕ ਦੇਹਾਂ ਨੂੰ ਲੱਭਣ ਵਿੱਚ ਕਾਮਯਾਬ ਹੋ ਗਈ।
ਦੁਰਘਟਨਾ ਬਾਰੇ ਫਿਲਹਾਲ ਹੋਰ ਕੋਈ ਵੇਰਵੇ ਜਾਰੀ ਨਹੀਂ ਕੀਤੇ ਗਏ ਅਤੇ ਬੀ.ਸੀ. ਕੋਰਨਰਜ਼ ਸਰਵਿਸ ਵਲੋਂ ਜਾਂਚ ਕੀਤੀ ਜਾ ਰਹੀ ਹੈ।
