ਕੈਨੇਡਾ ਪੁਲਸ ਇਸ ਮਹੀਨੇ ਤੋਂ ਕਰੇਗੀ ਬੌਡੀ ਕੈਮਰਿਆਂ ਦੀ ਵਰਤੋਂ

ਕੈਨੇਡਾ ਭਰ ਵਿਚ ਆਰ.ਸੀ.ਐੱਮ.ਪੀ. ਇਸ ਮਹੀਨੇ ਤੋਂ ਸਰੀਰ ਨਾਲ ਪਹਿਨੇ ਕੈਮਰਿਆਂ ਦਾ ਇਸਤੇਮਾਲ ਸ਼ੁਰੂ ਕਰਨ ਜਾ ਰਹੀ ਹੈ। ਆਰ.ਸੀ.ਐੱਮ.ਪੀ. ਦੀ ਕਾਰਪੋਰੇਟ ਪ੍ਰਬੰਧਨ ਅਧਿਕਾਰੀ ਟੌਨਿਆ ਗੋਗੁਏਨ ਨੇ ਇੱਕ ਪ੍ਰੈਸ ਕਾਨਫਰੰਸ ਵਿਚ ਕਿਹਾ ਕਿ ਇਸ ਨਾਲ ਤਣਾਅ ਵਾਲੀਆਂ ਸਥਿਤੀਆਂ ਵਿਚ ਪਾਰਦਰਸ਼ਤਾ ਵਧੇਗੀ ਕਿਉਂਕਿ ਪੁਲਿਸ ਮੁਲਾਜ਼ਮ ਅਕਸਰ ਇਸ ਤਰ੍ਹਾਂ ਦੀਆਂ ਸਥਿਤੀਆਂ ਦਾ ਸਾਹਮਣਾ ਕਰਦੇ ਹਨ।

ਉਨ੍ਹਾਂ ਕਿਹਾ ਕਿ 18 ਨਵੰਬਰ ਤੋਂ ਕੈਨੇਡਾ ਭਰ ਵਿਚ ਉਨ੍ਹਾਂ ਦੇ10 ਫੀਸਦੀ ਡੀਟੈਚਮੈਂਟਸ-ਬਾਡੀ ਕੈਮਰੇ ਦਾ ਇਸਤੇਮਾਲ ਕਰਨਗੇ ਅਤੇ ਅਗਲੇ 9 ਮਹੀਨਿਆਂ ਵਿਚ ਪ੍ਰਤੀ ਮਹੀਨੇ 1,000 ਅਫਸਰ ਕੈਮਰੇ ਦਾ ਇਸਤੇਮਾਲ ਕਰਨਾ ਸ਼ੁਰੂ ਕਰ ਦੇਣਗੇ। ਗੋਗੁਏਨ ਨੇ ਉਮੀਦ ਜਤਾਈ ਕਿ ਪੂਰੀ ਫੋਰਸ ਦੇ ਸਰੀਰ ਨਾਲ ਪਹਿਨੇ ਕੈਮਰਿਆਂ ਨਾਲ ਲੈੱਸ ਹੋਣ ਦਾ ਕੰਮ 12 ਤੋਂ 18 ਮਹੀਨਿਆਂ ਵਿਚ ਪੂਰਾ ਹੋ ਜਾਵੇਗਾ।

ਗੌਰਤਲਬ ਹੈ ਕਿ ਸਰੀਰ ਨਾਲ ਪਹਿਨੇ ਕੈਮਰਿਆਂ ਦੀ ਯੋਜਨਾ ਪਹਿਲੀ ਵਾਰ 2020 ਵਿਚ ਘੋਸ਼ਣਾ ਕੀਤੀ ਗਈ ਸੀ ਅਤੇ 2023 ਤੇ 2024 ਵਿਚ ਐਲਬਰਟਾ, ਨੋਵਾ ਸਕੋਸ਼ੀਆ ਅਤੇ ਨੂਨਾਵਤ ਡੀਟੈਚਮੈਂਟਸ ਵਿਚ ਇਸ ਦੇ ਫੀਲਡ ਟਰਾਇਲ ਕਰਵਾਏ ਗਏ ਹਨ। ਪਿਛਲੇ ਸਾਲ ਐਲਬਰਟਾ ਸਰਕਾਰ ਨੇ ਐਲਾਨ ਕੀਤਾ ਸੀ ਕਿ ਸੂਬੇ ਦੇ ਸਾਰੇ ਪੁਲਿਸ ਮੁਲਾਜ਼ਮਾਂ ਲਈ ਸਰੀਰ ਨਾਲ ਕੈਮਰੇ ਪਹਿਨੇ ਲਾਜ਼ਮੀ ਕੀਤੇ ਜਾਣਗੇ।