ਆਰ.ਸੀ.ਐਮ.ਪੀ.ਨੇ ਸਕੂਲ 'ਚ ਹੋਈ ਚੋਰੀ ਦੇ ਮਾਮਲੇ 'ਚ ਸ਼ੱਕੀਆਂ ਦੀ ਪਛਾਣ ਕਰਨ 'ਚ ਜਨਤਾ ਤੋਂ ਮੰਗੀ ਮਦਦ

ਉੱਤਰੀ ਕੌਵਿਚਨ/ਡੰਕਨ ਆਰ.ਸੀ.ਐਮ.ਪੀ.ਨੇ ਪੁਰਾਣੇ ਕੌਵਿਚਨ ਹਾਈ ਸਕੂਲ 'ਚ ਹੋਈ ਚੋਰੀ ਦੇ ਮਾਮਲੇ 'ਚ ਸ਼ੱਕੀਆਂ ਦੀ ਪਛਾਣ ਕਰਨ 'ਚ ਜਨਤਾ ਤੋਂ ਮਦਦ ਮੰਗੀ ਹੈ। 3 ਜਨਵਰੀ, 2026 ਨੂੰ ਕਰੀਬ ਇਕ ਵੱਜ ਕੇ 7 ਮਿੰਟ 'ਤੇ ਉੱਤਰੀ ਕੌਵਿਚਨ/ਡੰਕਨ ਆਰ.ਸੀ.ਐਮ.ਪੀ. ਨੂੰ ਇਕ ਸਕਿਓਰਿਟੀ ਕੰਪਨੀ ਤੋਂ ਸੂਚਨਾ ਮਿਲੀ ਕਿ ਪੰਜ ਵਿਅਕਤੀਆਂ ਨੇ ਡੰਕਨ ਸਥਿਤ ਪੁਰਾਣੇ ਕੌਵਿਚਨ ਹਾਈ ਸਕੂਲ 'ਚ ਸੰਨ੍ਹ ਲਾਈ ਹੈ।

ਹਾਈ ਸਕੂਲ 'ਚ ਅਲਾਰਮ ਵੱਜਣ 'ਤੇ ਸੁਰੱਖਿਆ ਕਰਮੀ ਮੌਕੇ 'ਤੇ ਪਹੁੰਚੇ ਤੇ ਉਨ੍ਹਾਂ ਪੰਜ ਲੜਕਿਆਂ ਨੂੰ ਦੇਖਿਆ, ਜਿਨ੍ਹਾਂ ਦੀ ਉਮਰ ਕਰੀਬ 25 ਤੋਂ 35 ਸਾਲ ਦੇ ਦਰਮਿਆਨ ਲੱਗ ਰਹੀ ਸੀ। ਉਹ 2020-21 ਦੀਆਂ ਯੀਅਰ ਬੁਕਸ ਲੈ ਕੇ ਸਕੂਲ ਤੋਂ ਨਿਕਲਣ ਵਾਲੇ ਸਨ।

ਸੁਰੱਖਿਆ ਗਾਰਡ ਨੇ ਉਨ੍ਹਾਂ ਦੇ ਭੱਜਣ ਤੋਂ ਪਹਿਲਾਂ ਉਨ੍ਹਾਂ ਦੀਆਂ ਕੁਝ ਤਸਵੀਰਾਂ ਖਿੱਚ ਲਈਆਂ। ਉਹ ਲੜਕੇ ਬਲੈਕ ਡੌਜ ਰੈਮ 'ਚ ਬੈਠ ਕੇ ਫਰਾਰ ਹੋ ਗਏ। ਇਸ ਘਟਨਾ ਬਾਰੇ ਜਾਣਕਾਰੀ ਰੱਖਣ ਵਾਲੇ ਕਿਸੇ ਵੀ ਵਿਅਕਤੀ ਨੂੰ ਆਰ.ਸੀ.ਐਮ.ਪੀ. ਨਾਲ 250-748-5522 'ਤੇ ਸੰਪਰਕ ਕਰਨ ਦੀ ਅਪੀਲ ਕੀਤੀ ਗਈ ਹੈ।