8.74C Vancouver 8.74C VancouverJan 28, 2022 1:16 AM - The Canadian Press
ਸਰੀ 'ਚ ਆਰ.ਸੀ.ਐਮ.ਪੀ. ਡਿਟੈਚਮੈਂਟ 'ਤੇ ਅੱਜ ਕਿਸੇ ਵਿਅਕਤੀ ਵੱਲੋਂ ਗ੍ਰੇਨੇਡ ਪਹੁੰਚਾਉਣ ਦੀ ਕੋਸ਼ਿਸ਼ ਕੀਤੀ ਗਈ ਹੈ।
ਘਟਨਾ ਦੀ ਗੰਭੀਰਤਾ ਨੂੰ ਵੇਖਦੇ ਹੋਏ ਪੁਲਿਸ ਨੇ ਸਟੇਸ਼ਨ ਨੂੰ ਬੰਦ ਕਰ ਦਿੱਤਾ ਅਤੇ ਲੋਕਾਂ ਨੂੰ ਯਾਦ ਦਵਾਇਆ ਕਿ ਧਮਾਕਾਖੇਜ ਸਮਗਰੀ ਦੀ ਟਰਾਂਸਪੋਰਟੇਸ਼ਨ ਬੇਹੱਦ ਨਾਜੁਕ ਮਾਮਲਾ ਹੈ।
ਮਾਮਲਾ ਸਰੀ ਆਰ.ਸੀ.ਐਮ.ਪੀ. ਦੇ ਗਿਲਡਫੋਰਡ ਦਫ਼ਤਰ ਨਾਲ ਸੰਬੰਧਤ ਹੈ।
ਸਵੇਰੇ ਕਰੀਬ 11.40 ਵਜੇ ਇਹ ਗ੍ਰੇਨੇਡ ਪੁਲਿਸ ਸਟੇਸ਼ਨ ਪਹੁੰਚਾਇਆ ਗਿਆ ਸੀ।
ਕਾਂਸਟੇਬਲ ਸਰਬਜੀਤ ਸੰਘਾ ਨੇ ਕਿਹਾ ਕਿ ਜੇਕਰ ਕੋਈ ਸ਼ੱਕੀ ਡਿਵਾਈਸ ਜਾਂ ਐਕਸਪਲੋਸਿਵ ਵਿਖਾਈ ਦਿੰਦਾ ਹੈ ਤਾਂ ਤੁਰੰਤ ਪੁਲਿਸ ਨਾਲ ਸੰਪਰਕ ਕੀਤਾ ਜਾਵੇ।
ਉਨ੍ਹਾਂ ਕਿਹਾ ਕਿ ਇਸ ਨੂੰ ਹੈਂਡਲ ਜਾਂ ਟਰਾਂਸਪੋਰਟ ਨਾ ਕੀਤਾ ਜਾਵੇ। ਦੱਸਿਆ ਗਿਆ ਕਿ ਇਹ ਗ੍ਰੇਨੇਡ ਕਿਸੇ ਵਿਅਕਤੀ ਨੂੰ 102 ਐਵੀਨਿਊ ਕੋਲ ਸਥਿਤ ਪਾਰਕ 'ਚ ਮਿਲਿਆ ਸੀ ਅਤੇ ਉਸ ਨੇ ਸੋਚਿਆ ਕਿ ਇਸ ਨੂੰ ਖੁਦ ਪੁਲਿਸ ਕੋਲ ਪਹੁੰਚਾਇਆ ਜਾਵੇ।
ਘਟਨਾ ਤੋਂ ਬਾਅਦ 104 ਐਵੀਨਿਊ ਨੂੰ 146 ਅਤੇ 149 ਸਟ੍ਰੀਟਸ ਵਿਚਾਲੇ ਬੰਦ ਕਰ ਦਿੱਤਾ ਗਿਆ ਸੀ ਅਤੇ ਲੋਕਾਂ ਨੂੰ 10395 148 ਸਟ੍ਰੀਟ 'ਤੇ ਸਥਿਤ ਸਟੇਸ਼ਨ ਤੋਂ ਵੀ ਦੂਰ ਰਹਿਣ ਲਈ ਕਿਹਾ ਗਿਆ ਸੀ।
