17.87C Vancouver 17.87C VancouverJan 5, 2022 9:36 PM - The Canadian Press
ਰੀਅਲ ਐਸਟੇਟ ਬੋਰਡ ਆਫ ਗ੍ਰੇਟਰ ਵੈਨਕੂਵਰ ਦਾ ਕਹਿਣਾ ਹੈ ਕਿ ਮੈਟਰੋ ਵੈਨਕੂਵਰ 'ਚ ਘਰਾਂ ਦੀ ਵਿਕਰੀ ਨੇ ਬੀਤੇ ਸਾਲ ਸਾਰੇ ਰਿਕਾਰਡ ਤੋੜ ਦਿੱਤੇ ਹਨ।
ਬੋਰਡ ਦਾ ਕਹਿਣਾ ਹੈ ਕਿ ਸਾਲ 2021 ਵਿੱਚ ਘਰਾਂ ਦੀ ਵਿਕਰੀ 'ਚ 42.2% ਦਾ ਵਾਧਾ ਵੇਖਣ ਨੂੰ ਮਿਲਿਆ।
ਸਾਲ 2020 'ਚ 30,944 ਘਰਾਂ ਦੀ ਵਿਕਰੀ ਦੇ ਮੁਕਾਬਲੇ ਬੀਤੇ ਸਾਲ ਵਿਕਰੀਆਂ ਦਾ ਅੰਕੜਾ 43,999 ਤਕ ਪਹੁੰਚ ਗਿਆ।
ਇਸ ਤੋਂ ਪਹਿਲਾਂ ਦਾ ਰਿਕਾਰਡ ਸਾਲ 2015 'ਚ ਸਥਾਪਿਤ ਹੋਇਆ ਸੀ ਜਦ ਵਿਕਰੀਆਂ ਦੀ ਗਿਣਤੀ 42,326 ਦੱਸੀ ਗਈ ਸੀ।
ਇਕੱਲੇ ਦਿਸੰਬਰ ਦੇ ਮਹੀਨੇ 'ਚ ਵਿਕਰੀਆਂ ਦੀ ਗਿਣਤੀ 2,688 ਦੱਸੀ ਗਈ ਹੈ।
ਹਾਲਾਂਕਿ ਦਿਸੰਬਰ 2020 'ਚ 3,093 ਵਿਕਰੀਆਂ ਦਰਜ ਕੀਤੀਆਂ ਗਈਆਂ ਸਨ।
ਇਸ ਤੋਂ ਇਲਾਵਾ ਨਵੰਬਰ 2021 ਵਿੱਚ 3,428 ਵਿਕਰੀਆਂ ਰਿਪੋਰਟ ਹੋਈਆਂ ਸਨ।
ਸਾਲ 2020 ਦੀ ਕੀਮਤ ਮੁਕਾਬਲੇ ਸਾਰੀਆਂ ਰੈਜ਼ੀਡੈਂਸ਼ੀਅਲ ਪ੍ਰਾਪਰਟੀਆਂ ਦੀ ਬੈਂਚਮਾਰਕ ਕੀਮਤ ਵਿੱਚ 17.3% ਦਾ ਵਾਧਾ ਦਰਜ ਕੀਤਾ ਗਿਆ ਹੈ ਜਿਸ ਨਾਲ ਔਸਤਨ ਕੀਮਤ $1.23 ਮਿਲੀਅਨ ਤਕ ਪਹੁੰਚ ਗਈ ਹੈ।
ਦਿਸੰਬਰ 2021 ਵਿੱਚ ਡਿਟੈਚਡ ਘਰਾਂ ਦੀ ਵਿਕਰੀ ਦਾ ਅੰਕੜਾ 794 ਦੱਸਿਆ ਗਿਆ ਜੋ ਕਿ ਸਾਲ 2020 ਦੇ ਦਿਸੰਬਰ ਮਹੀਨੇ ਦੀ 1,026 ਵਿਕਰੀਆਂ ਮੁਕਾਬਲੇ ਘਟ ਸੀ।
