19.11C Vancouver 19.11C VancouverFeb 25, 2021 9:26 PM -
ਬੀ.ਸੀ. ਦੇ ਅਪੀਲ ਕੋਰਟ ਨੇ ਵਧੇਰੇ ਕਾਰਨ ਜਾਰੀ ਕੀਤੇ ਹਨ, ਜਿਸ ਦੇ ਚਲਦਿਆਂ 'ਸਰੀ-6' ਕਤਲਾਂ ਦੇ ਮਾਮਲੇ ਵਿੱਚ ਇੱਕ ਟ੍ਰਾਇਲ ਜੱਜ ਨੇ 2 ਦੋਸ਼ੀਆਂ ਨੂੰ ਸਿਰਫ 'ਪ੍ਰੀਕਿਰਿਆ ਦੇ ਸ਼ੋਸ਼ਣ' ਦੇ ਮਾਮਲੇ 'ਚ ਸੁਣਵਾਈ ਦਾ ਮੌਕਾ ਦਿੱਤਾ ਹੈ।
ਇਹਨਾਂ ਦੋਵਾਂ ਨੂੰ ਨਵੇਂ ਸਿਰੇ ਤੋਂ ਟ੍ਰਾਇਲ ਦੀ ਇਜਾਜ਼ਤ ਨਹੀਂ ਦਿੱਤੀ ਗਈ ਸੀ।
ਇਸ ਮਾਮਲੇ 'ਚ ਕੋਡੀ ਹਾਵੇਆਸ਼ੋਰ ਅਤੇ ਮੈਥਿਊ ਜੌਨਸਟਨ ਦੀਆਂ ਸਜ਼ਾਵਾਂ ਨੂੰ ਬਰਕਰਾਰ ਰੱਖਿਆ ਗਿਆ ਸੀ।
ਜਨਵਰੀ 'ਚ ਦਿੱਤੇ ਗਏ ਇਸ ਸਜ਼ਾ ਨੂੰ ਬਰਕਰਾਰ ਰੱਖਣ ਦੇ ਫੈਸਲੇ ਤੋਂ ਬਾਅਦ ਕੋਰਟ ਨੂੰ ਕੁਝ ਸਮਾਂ ਚਾਹੀਦਾ ਸੀ, ਜਿਸ ਨਾਲ ਕਿ ਗੁਪਤ ਜਾਣਕਾਰੀ ਨੂੰ ਬਚਾਇਆ ਜਾ ਸਕੇ ਅਤੇ ਕਾਰਨਾਂ ਨੂੰ 'ਐਡਿਟ' ਕਰ ਕੇ ਸਾਂਝਾ ਕੀਤਾ ਜਾ ਸਕੇ।
ਅੱਜ ਦੇ ਕਾਰਨਾਂ 'ਚ ਦੱਸਿਆ ਗਿਆ ਕਿ ਨਵੀਂ ਸੁਣਵਾਈ ਇਸਲਈ ਜ਼ਰੂਰੀ ਹੈ ਕਿ ਦੋਵਾਂ ਦੋਸ਼ੀਆਂ ਦਾ ਪੱਖ ਸੁਣਿਆ ਜਾ ਸਕੇ ਕਿ, ਪੁਲਿਸ ਨੇ ਕੋਈ ਬਦਸਲੂਕੀ ਕੀਤੀ ਹੈ, ਜਾਂ ਉਨ੍ਹਾਂ ਦੇ ਹੱਕਾਂ ਦਾ ਉਲੰਘਣ ਹੋਇਆ ਹੈ।
ਇਹਨਾਂ ਦੋਵਾਂ ਨੂੰ ਸਰੀ ਦੀ ਇੱਕ ਹਾਈਰਾਈਜ਼ ਇਮਾਰਤ 'ਚ ਅਕਤੂਬਰ 2007 'ਚ ਵਾਪਰੇ 6 ਕਤਲਾਂ ਦੇ ਮਾਮਲੇ 'ਚ ਫਰਸਟ ਡਿਗਰੀ ਕਤਲ ਦਾ ਦੋਸ਼ੀ ਪਾਇਆ ਗਿਆ ਸੀ।
