14.6C Vancouver 14.6C VancouverMar 12, 2025 5:10 PM - Connect Newsroom
ਬੀ.ਸੀ. ਕੰਜ਼ਰਵੇਟਿਵ ਪਾਰਟੀ ਦੇ ਬਾਗੀ ਹੋਏ ਤਿੰਨ ਵਿਧਾਇਕਾਂ ਵਲੋਂ ਨਵੀਂ ਪਾਰਟੀ ਬਣਾਈ ਜਾ ਸਕਦੀ ਹੈ। ਹਾਲ ਹੀ ਵਿਚ ਪਾਰਟੀ ਨੇ ਰਿਹਾਇਸ਼ੀ ਸਕੂਲਾਂ ਬਾਰੇ ਵਿਵਾਦ ਟਿੱਪਣੀ ਮਾਮਲੇ ਵਿਚ ਵੈਨਕੂਵਰ-ਕੁਇਲਚੇਨਾ ਦੀ ਵਿਧਾਇਕ ਡੱਲਾਸ ਬ੍ਰੋਡੀ ਨੂੰ ਬਾਹਰ ਕੀਤਾ ਸੀ, ਜਿਸ ਨਾਲ ਇਕਜੁੱਟਤਾ ਦਿਖਾਉਂਦੇ ਹੋਏ ਦੋ ਹੋਰ ਵਿਧਾਇਕ ਜੌਰਡਨ ਕੇਲੀ ਅਤੇ ਤਾਰਾ ਆਰਮਸਟ੍ਰਾਂਗ ਨੇ ਪਾਰਟੀ ਛੱਡ ਦਿੱਤੀ ਸੀ।
ਇਹ ਬਾਗੀ ਵਿਧਾਇਕ ਹੁਣ ਆਪਣੀ ਨਵੀਂ ਰਾਜਨੀਤਕ ਪਾਰਟੀ ਸ਼ੁਰੂ ਕਰਨ ਦਾ ਵਿਚਾਰ ਕਰ ਰਹੇ ਹਨ, ਬੀ. ਸੀ. ਵਿਧਾਨ ਸਭਾ ਵਿਚ ਪਾਰਟੀ ਦਾ ਦਰਜਾ ਪਾਉਣ ਲਈ ਘੱਟੋ-ਘੱਟ ਦੋ ਵਿਧਾਇਕਾਂ ਦਾ ਹੋਣਾ ਜ਼ਰੂਰੀ ਹੈ, ਜਿਸ ਦਾ ਮਤਲਬ ਹੈ ਬ੍ਰੋਡੀ, ਆਰਮਸਟ੍ਰਾਂਗ ਅਤੇ ਕੇਲੀ ਪਾਰਟੀ ਦਾ ਦਰਜਾ ਪ੍ਰਾਪਤ ਕਰ ਸਕਦੇ ਹਨ ਅਤੇ ਇਸ ਦੇ ਨਾਲ ਹੀ ਉਨ੍ਹਾਂ ਨੂੰ ਕਈ ਬੈਨੇਫਿਟਸ ਵੀ ਮਿਲਣਗੇ।
ਉਨ੍ਹਾਂ ਨੂੰ ਵਿਧਾਨ ਸਭਾ ਤੋਂ ਸਟਾਫ ਅਤੇ ਦਫਤਰੀ ਖਰਚਿਆਂ ਲਈ ਲਗਭਗ $767,000 ਦਾ ਸਾਲਾਨਾ ਬਜਟ ਮਿਲੇਗਾ। ਇਸ ਤੋਂ ਇਲਾਵਾ ਤਿੰਨਾਂ ਵਿਚੋਂ ਜੋ ਪਾਰਟੀ ਦਾ ਲੀਡਰ ਹੋਵੇਗਾ, ਉਸ ਨੂੰ ਸਾਲਾਨਾ ਸੈਲਰੀ ਵਿਚ $29,883 ਦਾ ਵਾਧਾ ਵੀ ਮਿਲੇਗਾ, ਜਦੋਂ ਕਿ ਸਦਨ ਦੇ ਨੇਤਾ ਅਤੇ ਕਾਕਸ ਵ੍ਹਿਪ ਦੇ ਰੂਪ ਵਿਚ ਦੋ ਹੋਰਾਂ ਨੂੰ $11,953 ਵਾਧੂ ਮਿਲਣਗੇ। ਇਹ ਸਿਰਫ ਪੈਸੇ ਦੀ ਗੱਲ ਨਹੀਂ ਹੈ, ਪਾਰਟੀ ਬਣਾਉਣ ਦਾ ਮਤਲਬ ਹੈ ਕਿ ਇਨ੍ਹਾਂ ਨੂੰ ਵਿਧਾਨ ਸਭਾ ਵਿਚ ਬੋਲਣ ਦਾ ਸਮਾਂ ਵੀ ਜ਼ਿਆਦਾ ਮਿਲੇਗਾ।
