15.84C Vancouver 15.84C VancouverSep 30, 2021 10:31 PM -
ਬੀ.ਸੀ. 'ਚ ਟੈਕਮਲੂਪਸ ਸੁਵੈਟਮਕ ਫਰਸਟ ਨੇਸ਼ਨ ਚੀਫ਼ ਦਾ ਕਹਿਣਾ ਹੈ ਕਿ ਸੱਚੀ ਰੀਕੰਸੀਲੀਏਸ਼ਨ ਨੂੰ ਸੱਚ ਦੀ ਲੋੜ ਹੈ ਅਤੇ ਇਸ ਲਈ ਫੈਡਰਲ ਸਰਕਾਰ ਅਤੇ ਕੈਥੋਲਿਕ ਚਰਚ ਨੂੰ ਵਧੇਰੇ ਕੰਮ ਕਰਨ ਦੀ ਲੋੜ ਹੈ।
ਚੀਫ਼ ਰੋਜ਼ੈਨ ਕੈਸੀਮੀਰ ਨੇ ਕਿਹਾ ਕਿ ਵਾਅਦੇ ਅਨੁਸਾਰ ਰਿਕਾਰਡ ਸਾਂਝੇ ਕੀਤੇ ਜਾਣੇ ਚਾਹੀਦੇ ਹਨ।
ਉਨ੍ਹਾਂ ਕਿਹਾ ਕਿ ਰਿਕਾਰਡ ਸਾਂਝੇ ਕੀਤੇ ਜਾਣ 'ਤੇ ਹੀ ਕੈਮਲੂਪਸ ਕੋਲ ਸਾਬਕਾ ਰੈਜ਼ੀਡੈਂਸ਼ੀਅਲ ਸਕੂਲ ਕੋਲ ਮਿਲੇ 200 ਤੋਂ ਵਧੇਰੇ ਅਨਮਾਰਕਡ ਗ੍ਰੇਵਸ ਸੰਬੰਧੀ ਪਛਾਣ ਕੀਤੀ ਜਾ ਸਕੇਗੀ।
ਕੈਸੀਮੀਰ ਨੇ ਕਿਹਾ ਕਿ ਫਰਸਟ ਨੇਸ਼ਨ ਤੋਂ ਬਹੁਤ ਵਾਰ ਮੁਆਫੀ ਮੰਗੀ ਜਾ ਚੁੱਕੀ ਹੈ ਅਤੇ ਹੁਣ ਸਰਕਾਰ ਅਤੇ ਕੈਥੋਲਿਕ ਚਰਚ ਵੱਲੋਂ ਜਾਣਕਾਰੀ ਸਾਂਝੀ ਕੀਤੀ ਜਾਣੀ ਚਾਹੀਦੀ ਹੈ।
ਚੀਫ਼ ਨੇ ਇਹ ਵੀ ਕਿਹਾ ਕਿ ਗਰਾਊਂਡ ਪੈਨੀਟਰੇਟਿੰਗ ਰਡਾਰ ਦੇ ਆਸਰੇ ਕਰੀਬ ਇੱਕ ਹੈਕਟੇਅਰ ਇਲਾਕੇ 'ਚ ਜਾਂਚ ਦੌਰਾਨ ਇਹ ਅਨਮਾਰਕਡ ਗ੍ਰੇਵਸ ਮਿਲੇ ਸਨ।
ਉਨ੍ਹਾਂ ਕਿਹਾ ਕਿ ਅਜੇ ਕਰੀਬ 65 ਹੈਕਟੇਅਰ ਇਲਾਕੇ 'ਚ ਜਾਂਚ ਕੀਤੀ ਜਾਣੀ ਬਾਕੀ ਹੈ।
