16.01C Vancouver 16.01C VancouverApr 22, 2025 6:34 PM - Connect Newsroom
ਕੈਨੇਡਾ ਵਿਚ ਅਗਾਊਂ ਚੋਣਾਂ ਦੇ ਪਿਛਲੇ 4 ਦਿਨਾਂ ਦੌਰਾਨ 7.3 ਮਿਲੀਅਨ ਕੈਨੇਡੀਅਨਾਂ ਨੇ ਵੋਟ ਪਾਈ, ਜੋ ਇੱਕ ਰਿਕਾਰਡ ਹੈ। ਇਲੈਕਸ਼ਨ ਕੈਨੇਡਾ ਨੇ ਆਪਣੇ ਸ਼ੁਰੂਆਤੀ ਅੰਕੜਿਆਂ ਦੇ ਆਧਾਰ 'ਤੇ ਕਿਹਾ ਕਿ ਇਹ 2021 ਦੀਆਂ ਫੈਡਰਲ ਚੋਣਾਂ ਦੌਰਾਨ ਅਗਾਊਂ ਵੋਟ ਪਾਉਣ ਵਾਲੇ 5.8 ਮਿਲੀਅਨ ਵੋਟਰਾਂ ਨਾਲੋਂ 25 ਫੀਸਦੀ ਜ਼ਿਆਦਾ ਹੈ।
ਇਲੈਕਸ਼ਨ ਕੈਨੇਡਾ ਨੇ ਇੱਕ ਸੋਸ਼ਲ ਮੀਡੀਆ ਪੋਸਟ ਵਿਚ ਕਿਹਾ ਕਿ ਅਸੀਂ ਸਾਰੇ ਚੋਣ ਵਰਕਰ ਦਾ ਉਨ੍ਹਾਂ ਦੇ ਸਮਰਪਣ ਅਤੇ ਸਾਰੇ ਵੋਟਰਾਂ ਦਾ ਉਨ੍ਹਾਂ ਦੇ ਸਬਰ ਲਈ ਧੰਨਵਾਦ ਕਰਦੇ ਹਾਂ। ਕੈਨੇਡਾ ਭਰ ਵਿਚ ਅਗਾਊਂ ਵੋਟਿੰਗ ਸ਼ੁੱਕਰਵਾਰ ਨੂੰ ਸ਼ੁਰੂ ਹੋਈ ਸੀ ਜੋ ਸੋਮਵਾਰ ਨੂੰ ਸੰਪੰਨ ਹੋ ਗਈ।
ਇਲੈਕਸ਼ਨ ਕੈਨੇਡਾ ਦੇ ਇੱਕ ਬੁਲਾਰੇ ਨੇ ਕਿਹਾ ਕਿ ਇਹ ਕਹਿਣਾ ਅਜੇ ਬਹੁਤ ਜਲਦਬਾਜ਼ੀ ਹੋਵੇਗਾ ਕਿ ਕੀ ਰਿਕਾਰਡ ਪੇਸ਼ਗੀ ਵੋਟਿੰਗ ਨਾਲ ਕੁੱਲ ਮਤਦਾਨ ਫੀਸਦੀ ਵਿਚ ਵੀ ਪਿਛਲੀ ਵਾਰ ਨਾਲੋਂ ਵਾਧਾ ਹੋਵੇਗਾ ਜਾਂ ਨਹੀਂ ਪਰ ਉਨ੍ਹਾਂ ਕਿਹਾ ਕਿ ਇਹ ਇਸ ਗੱਲ ਦਾ ਸੰਕੇਤ ਹੈ ਕਿ ਕੈਨੇਡੀਅਨ ਚੋਣਾਂ ਵਿਚ ਦਿਲਚਸਪੀ ਲੈ ਰਹੇ ਹਨ। ਪਿਛਲੀਆਂ ਫੈਡਰਲ ਚੋਣ ਵਿਚ 17 ਮਿਲੀਅਨ ਦੇ ਕਰੀਬ ਵੋਟਰਾਂ ਨੇ ਵੋਟ ਪਾਈ ਸੀ, ਜੋ ਕੁੱਲ ਵੋਟਰ ਦਾ 62.6 ਫੀਸਦੀ ਸੀ।
