ਬੀ.ਸੀ. ਸਰਕਾਰ ਸਰਦੀਆਂ ਤੋਂ ਪਹਿਲਾਂ ਖੁੱਲ੍ਹਣ ਵਾਲੀਆਂ ਆਸਰਾ ਥਾਵਾਂ ਦੀ ਰਿਕਾਰਡ ਗਿਣਤੀ 'ਚ ਕਰ ਰਹੀ ਵਾਧਾ

ਬੀ.ਸੀ. ਸਰਕਾਰ ਇਸ ਸਰਦੀਆਂ ਦੇ ਮੌਸਮ ਲਈ ਸਰੀ, ਵੈਨਕੂਵਰ ਸਮੇਤ 58 ਕਮਿਊਨਿਟੀਜ਼ ਵਿਚ ਰਿਕਾਰਡ 6,486 ਸ਼ੈਲਟਰ ਸਪੇਸ ਖੋਲ੍ਹ ਰਹੀ ਹੈ, ਜਿਸ ਵਿਚ ਸਥਾਈ, ਅਸਥਾਈ ਅਤੇ ਐਕਸਟਰੀਮ ਵੇਦਰ ਰਿਸਪਾਂਸ ਸ਼ੈਲਟਰ ਦੇ ਨਾਲ-ਨਾਲ ਹੋਮਲੈੱਸ ਐਨਕੈਂਪਮੈਂਟ ਐਕਸ਼ਨ ਰਿਸਪਾਂਸ ਟੈਂਪਰਰੀ ਹਾਊਸਿੰਗ ਸ਼ੈਲਟਰ ਸਪੇਸ ਸ਼ਾਮਲ ਹਨ।

ਸਰੀ ਵਿਚ 562 ਸ਼ੈਲਟਰ ਸਪੇਸ ਉਪਲਬਧ ਕੀਤੇ ਗਏ ਹਨ। ਹੋਰ ਵੱਡੇ ਸ਼ਹਿਰਾਂ ਵਿਚ ਵੀ ਨਵੇਂ ਸ਼ੈਲਟਰ ਖੁੱਲ੍ਹੇ ਹਨ, ਜਿਵੇਂ ਕਿ ਵੈਨਕੂਵਰ ਵਿਚ 1,786, ਕੈਮਲੂਪਸ ਵਿਚ 316 ਅਤੇ ਪ੍ਰਿੰਸ ਜਾਰਜ ਵਿਚ 151 ਸ਼ੈਲਟਰ ਸਪੇਸ ਸ਼ਾਮਲ ਹਨ।

ਸਰਕਾਰ ਦਾ ਕਹਿਣਾ ਹੈ ਕਿ ਆਉਂਦੇ ਹਫ਼ਤਿਆਂ ਵਿਚ ਹੋਰ ਸ਼ੈਲਟਰ ਸਪੇਸ ਖੁੱਲ੍ਹਣ ਦੀ ਉਮੀਦ ਹੈ, ਜਿਸ ਲਈ ਬੀ.ਸੀ. ਹਾਊਸਿੰਗ ਡਿਪਾਰਟਮੈਂਟ ਮਿਊਸੀਪੈਲਟੀਜ਼ ਨਾਲ ਮਿਲ ਕੇ ਨਵੀਆਂ ਲੋਕੇਸ਼ਨ ਦੀ ਪਛਾਣ ਕਰਨ ਅਤੇ ਆਸਰਾ ਯੋਜਨਾਵਾਂ ਨੂੰ ਅੰਤਿਮ ਰੂਪ ਦੇ ਰਿਹਾ ਹੈ। ਸਰਕਾਰ ਮੁਤਾਬਕ, ਬੀ. ਸੀ. ਵਿਚ ਹੁਣ ਓਵਰਆਲ ਸ਼ੈਲਟਰ ਸਪੇਸ ਅਤੇ ਸਥਾਈ ਸ਼ੈਲਟਰ 2017 ਤੋਂ ਡਬਲ ਹੋ ਗਏ ਹਨ।