22.46C Vancouver 22.46C VancouverDec 20, 2023 7:06 PM - The Canadian Press
ਦੇਸ਼ ਦੇ ਵੱਖਰੇ ਵੱਖਰੇ ਸੂਬਿਆਂ ਵਿੱਚ ਲੱਗੀਆਂ ਜੰਗਲੀ ਅੱਗਾਂ ਕੈਨੇਡੀਅਨ ਪ੍ਰੈੱਸ ਦੀ 2023 ਦੀ ਨਿਊਜ਼ ਸਟੋਰੀ ਆਫ਼ ਦਿ ਈਅਰ ਰਹੀ।ਇਸ ਸਾਲ ਲੱਗੀਆਂ ਜੰਗਲੀ ਅੱਗਾਂ ਕਰਕੇ 200,000 ਦੇ ਕਰੀਬ ਕੈਨੇਡੀਅਨਜ਼ ਨੂੰ ਆਪਣੇ ਘਰ ਛੱਡਣ ਲਈ ਮਜ਼ਬੂਰ ਹੋਣਾ ਪਿਆ ਸੀ।
ਇਨ੍ਹਾਂ ਅੱਗਾਂ ਨੇ ਕੈਨੇਡਾ ਵਿੱਚ ਸੜ੍ਹ ਕੇ ਸਵਾਹ ਹੋਏ ਨੋਵਾ ਸਕੋਸ਼ੀਆ ਦੇ ਆਕਾਰ ਤੋਂ ਤਿੰਨ ਗੁਣਾ ਖੇਤਰ ਨੂੰ ਭਸਮ ਕਰ ਦਿੱਤਾ। 1995 ਵਿੱਚ ਵੀ ਰਿਕਾਰਡ ਤੋੜ੍ਹ ਜੰਗਲੀ ਅੱਗਾਂ ਲੱਗੀਆਂ ਸਨ। ਪਰ ਉਸ ਵੇਲੇ ਸੜ੍ਹ ਕੇ ਸਵਾਹ ਹੋਏ ਇਲਾਕੇ ਦੇ ਮੁਕਾਬਲੇ ਇਸ ਸਾਲ ਸਵਾਹ ਹੋਇਆ ਏਰੀਆ ਵੀ ਦੁੱਗਣਾ ਹੈ।
ਇਹ ਨਿਊਜ਼ ਸਟੋਰੀ ਦੇਸ਼ ਭਰ ਦੇ ਨਿਊਜ਼ ਰੂਮਾਂ ਵਿੱਚ 80 ਸੰਪਾਦਕਾਂ ਵਿੱਚੋਂ ਸਭ ਤੋਂ ਉੱਚੀ ਚੋਣ ਸੀ। ਜਿਸ ਨੂੰ 39 ਪ੍ਰਤੀਸ਼ਤ ਵੋਟਾਂ ਪ੍ਰਾਪਤ ਹੋਈਆਂ। ਦੂਸਰੇ ਨੰਬਰ 'ਤੇ ਮਹਿੰਗਾਈ ਰਹੀ ਜਿਸਨੂੰ 21 ਪ੍ਰਤੀਸ਼ਤ ਵੋਟ ਮਿਲੇ ਅਤੇ ਤੀਸਰੇ ਨੰਬਰ 'ਤੇ 20 ਫੀਸਦੀ ਦੇ ਨਾਲ ਹਾਊਸਿੰਗ ਸੰਕਟ ਵਾਲੀਆਂ ਖਬਰਾਂ ਨਿਊਜ਼ ਸਟੋਰੀ ਵਿੱਚ ਰਹੀਆਂ।
