14.92C Vancouver 14.92C VancouverJun 2, 2021 8:40 PM -
ਗਰਮੀ ਦੀ ਰੁੱਤ ਦੀ ਅਧਿਕਾਰਿਤ ਦਸਤਕ 'ਚ ਫਿਲਹਾਲ ਕਰੀਬ 3 ਹਫ਼ਤੇ ਦਾ ਸਮਾਂ ਬਾਕੀ ਹੈ ਪਰ ਬੀ.ਸੀ. ਦੇ ਕਈ ਇਲਾਕਿਆਂ 'ਚ ਹੀਟ ਵੇਵ ਨੇ ਗਰਮੀਆਂ ਜਿਹਾ ਮਾਹੌਲ ਬਣਾ ਦਿੱਤਾ ਹੈ।
ਐਨਵਾਇਰਨਮੈਂਟ ਕੈਨੇਡਾ ਦਾ ਕਹਿਣਾ ਹੈ ਕਿ ਬੀਤੇ ਕੱਲ ਇਲਾਕੇ ਦੇ 10 ਸਥਾਨਾਂ 'ਚ ਤਾਪਮਾਨ ਦੇ ਰਿਕਾਰਡ ਟੁੱਟ ਗਏ।
ਫੋਰਟ ਨੈਲਸਨ 'ਚ 29ਡਿਗਰੀ ਤਾਪਮਾਨ ਦਰਜ ਕੀਤਾ ਗਿਆ ਜਿਸ ਨਾਲ ਇਲਾਕੇ ਦਾ ਸਾਲ 1961 ਦਾ ਰਿਕਾਰਡ ਟੁੱਟ ਗਿਆ।
ਸੇਸ਼ਲਟ, ਗਿਬਸਨਸ, ਕਲਿੰਟਨ, ਮੈਰਿਟ, ਪੈਂਬਰਟਨ, ਪ੍ਰਿੰਸਟਨ ਅਤੇ ਮਾਲਾਹਟ ਦੇ ਇਲਾਕੇ 'ਚ ਵੀ 27ਡਿਗਰੀ ਤੋਂ 30 ਡਿਗਰੀ ਵਿਚਾਲੇ ਦੇ ਤਾਪਮਾਨ ਰਿਕਾਰਡ ਕੀਤੇ ਗਏ।
ਬੀਤੇ ਕੱਲ ਸਾਰੇ ਕੈਨੇਡਾ 'ਚ ਸਭ ਤੋਂ ਗਰਮ ਤਾਪਮਾਨ ਲਿਟਨ 'ਚ ਦਰਜ ਹੋਇਆ ਜਿੱਥੇ 35.2ਡਿਗਰੀ ਦਾ ਤਾਪਮਾਨ ਦਰਜ ਹੋਇਆ।
ਇਸ ਨਾਲ ਇਲਾਕੇ ਦਾ 60 ਸਾਲ ਪੁਰਾਣਾ ਰਿਕਾਰਡ ਟੁੱਟ ਗਿਆ।
ਵੈਦਰ ਆਫਿਸ ਦਾ ਕਹਿਣਾ ਹੈ ਕਿ ਅੱਜ ਪੱਛਮੀ ਕੈਨੇਡਾ 'ਚ ਹੋਰ ਰਿਕਾਰਡ ਟੁੱਟ ਸਕਦੇ ਹਨ ਅਤੇ ਐਲਬਰਟਾ, ਸਸਕੈਚਵਿਨ ਅਤੇ ਦੱਖਣੀ ਮੈਨੀਟੋਬਾ ਲਈ ਚੇਤਾਵਨੀਆਂ ਜਾਰੀ ਕੀਤੀਆਂ ਗਈਆਂ ਹਨ।
