23.19C Vancouver 23.19C VancouverNov 18, 2020 1:47 AM -
ਵੈਸਟ ਵੈਨਕੂਵਰ ਸੀਅ ਟੁ ਸਕਾਈ ਇਲੈਕਟੋਰਲ ਡਿਸਟ੍ਰਿਕਟ ਲਈ ਜੁਡੀਸ਼ੀਅਲ ਰਿਕਾਊਂਟ ਦੀ ਪ੍ਰੀਕਿਰਿਆ ਪੂਰੀ ਹੋ ਗਈ ਹੈ।
ਇਸ ਇਲਾਕੇ 'ਚ ਬੀ.ਸੀ. ਲਿਬਰਲਸ ਦੇ ਜੌਰਡਨ ਸਟਰਡੀ ਨੂੰ ਜਿੱਤ ਹਾਸਿਲ ਹੋਈ ਹੈ।
ਲਿਬਰਲ ਪਾਰਟੀ ਦੀ ਨੁਮਾਇੰਦਗੀ ਕਰਦੇ ਸਟਰਡੀ ਨੂੰ ਬੀ.ਸੀ. ਗ੍ਰੀਨ ਪਾਰਟੀ ਦੇ ਜੈਰੇਮੀ ਵੈਲੇਰੀਓਟ ਦੇ ਮੁਕਾਬਲੇ 60 ਵੋਟਾਂ ਵਧੇਰੇ ਹਾਸਿਲ ਹੋਈਆਂ।
ਸਟਰਡੀ ਨੂੰ ਕੁੱਲ 9,249 ਵੋਟਾਂ ਅਤੇ ਵੈਲੇਰੀਓਟ ਨੂੰ 9,189 ਵੋਟ ਹਾਸਿਲ ਹੋਏ।
ਬੀ.ਸੀ. ਐਨ.ਡੀ.ਪੀ. ਦੀ ਨੁਮਾਇੰਦਗੀ ਕਰਨ ਵਾਲੇ ਕੀਥ ਮਰਡੌਕ ਨੂੰ 6,197 ਵੋਟ ਹਾਸਿਲ ਹੋਏ।
ਯਾਦ ਰਹੇ ਇਸ ਰਾਈਡਿੰਗ 'ਚ ਫਾਈਨਲ ਗਿਣਤੀ ਆਟੋਮੈਟਿਕ ਜੁਡੀਸ਼ੀਅਲ ਰੀਕਾਉਂਟ 'ਚ ਬਦਲ ਗਈ ਸੀ, ਕਿਉਂਕਿ ਦੋਵਾਂ ਕੈਂਡੀਡੇਟਸ ਵਿਚਾਲੇ ਦਾ ਫ਼ਰਕ ਇਲੈਕਸ਼ਨ ਐਕਟ ਦੇ ਨਿਯਮਾਂ ਅਨੁਸਾਰ ਬੇਹੱਦ ਘਟ ਸੀ।
ਸਟਰਡੀ ਦੀ ਜਿੱਤ ਤੋਂ ਬਾਅਦ ਹੁਣ ਬੀ.ਸੀ. ਦੀਆਂ 24 ਅਕਤੂਬਰ ਨੂੰ ਹੋਈਆਂ ਚੋਣਾਂ 'ਚ ਲਿਬਰਲਸ ਦੇ ਖਾਤੇ 'ਚ 28 ਸੀਟਾਂ ਆਈਆਂ ਹਨ।
ਯਾਦ ਰਹੇ ਐਨ.ਡੀ.ਪੀ. ਨੂੰ 57 ਸੀਟਾਂ 'ਤੇ ਅਤੇ ਬੀ.ਸੀ. ਗ੍ਰੀਨਸ ਨੂੰ 2 ਸੀਟਾਂ ਹਾਸਿਲ ਹੋਈਆਂ ਹਨ।
