9.97C Vancouver 9.97C VancouverDec 5, 2023 5:31 PM - Connect News
ਐਡਮਿੰਟਨ ਵਿੱਚ ਨਵੰਬਰ ਮਹੀਨੇ ਬਹੁਤ ਘੱਟ ਸਨੋਅਫੌਲ ਹੋਣ ਕਾਰਨ ਸਿਟੀ ਦਾ ਬਰਫ਼ ਹਟਾਉਣ 'ਤੇ ਆਉਣ ਵਾਲਾ $5 ਮਿਲੀਅਨ ਦਾ ਖਰਚ ਬੱਚ ਗਿਆ। ਮਾਹਿਰਾਂ ਮੁਤਾਬਕ ਇਸ ਸਾਲ ਨਵੰਬਰ ਵਿੱਚ ਨਾ ਦੇ ਬਰਾਬਰ ਸਨੋਅ ਪਈ ਹੈ ਅਤੇ ਇਹ ਸਭ ਤੋਂ ਗਰਮ ਅਤੇ ਸਭ ਤੋਂ ਸੁੱਕਾ ਮਹੀਨਾ ਰਿਹਾ ਹੈ।
ਇਸ ਕਾਰਨ ਰੋਡ ਰੱਖ-ਰਖਾਅ ਦਾ ਕੰਮ ਵੀ ਘਟਿਆ ਹੈ, ਪਿਛਲੇ ਹਫਤੇ ਤੱਕ 15,000 ਟੋਇਆ ਦੀ ਮੁਰੰਮਤ ਕੀਤੀ ਗਈ ਜਦਕਿ ਪਿਛਲੇ ਸਾਲ ਇਸ ਦੌਰਾਨ 6,20,000 ਟੋਇਆ ਨੂੰ ਠੀਕ ਕੀਤਾ ਗਿਆ ਸੀ। ਇਸ ਦੇ ਨਾਲ ਹੀ ਕਰੂ ਵਰਕਰਜ਼ ਨੇ ਪਿਛਲੇ ਸਾਲ ਕੂੜੇ ਦੇ 3000 ਬੈਗ ਅਤੇ ਖਾਲੀ ਬੇਘਰ ਕੈਂਪ ਦਾ 60,000 ਕਿਲੋ ਬੇਕਾਰ ਸਮਾਨ ਸਾਫ ਕੀਤਾ ਸੀ।
ਸਿਟੀ ਦੇ ਸਨੋਅ ਅਤੇ ਬਰਫ਼ ਹਟਾਉਣ ਦਾ ਕੰਮ ਇਕਰਾਰਨਾਮਾ ਸਰਵਿਸਸ ਦਾ ਹਿੱਸਾ ਹੁੰਦੇ ਹਨ ਅਤੇ ਇਸ ਸੀਜ਼ਨ ਵਿੱਚ ਉਨ੍ਹਾਂ ਨੂੰ ਅਜੇ ਬੁਲਾਉਣਾ ਨਹੀਂ ਪਿਆ। ਸਿਟੀ ਦੇ ਇੰਫ੍ਰਾਸਟਕਚਰ ਓਪਰੇਸ਼ਨਜ਼ ਦੇ ਡਾਇਰੈਕਟਰ ਮੁਤਾਬਕ ਗਰਮ ਮੌਸਮ ਹੋਣ ਕਾਰਨ ਇਸ ਵਾਰ ਬਰਫ਼ ਹਲ ਦੇ ਇਕਰਾਰਨਾਮੇ ਦੀ ਜ਼ਰੂਰਤ ਨਾ ਪੈਣ ਕਾਰਨ $4 ਮਿਲੀਅਨ ਬਚੇ ਹਨ।
ਇਸ ਦੇ ਨਾਲ ਹੀ ਤੇਲ , ਰੱਖ-ਰਖਾਅ ਅਤੇ ਓਵਰਟਾਈਮ ਕੰਮ 'ਤੇ ਆਉਣ ਵਾਲਾ $1 ਮਿਲੀਅਨ ਦਾ ਖਰਚ ਵੀ ਬਚਿਆ ਹੈ।
