15.54C Vancouver 15.54C VancouverOct 19, 2020 9:21 PM -
ਖੇਤਰੀ ਏਅਰਲਾਈਨਜ਼ ਵੱਲੋਂ ਔਟਵਾ ਤੋਂ ਤੁਰੰਤ ਐਕਸ਼ਨ ਲੈਣ ਦੀ ਮੰਗ ਕੀਤੀ ਜਾ ਰਹੀ ਹੈ ਤਾਂ ਜੋ ਪੈਂਡੇਮਿਕ ਦੀ ਮਾਰ ਝੱਲ ਰਹੇ ਸੈਕਟਰ ਨੂੰ ਉਭਾਰਿਆ ਜਾ ਸਕੇ, ਪਰ ਇਨ੍ਹਾਂ ਕੈਰੀਅਰਜ਼ 'ਚ ਫੈਡਰਲ ਹਿੱਸੇਦਾਰੀ ਦੇ ਆਈਡੀਏ ਨੂੰ ਖਾਰਿਜ ਕੀਤਾ ਹੈ।
ਏਅਰ ਟ੍ਰਾਂਸਪੋਰਟ ਐਸੋਸੀਏਅਸ਼ਨ ਆਫ ਕੈਨੇਡਾ ਦੇ ਪ੍ਰਧਾਨ, ਜੌਨ ਮੈਕੇਨਾ ਦਾ ਕਹਿਣਾ ਹੈ ਕਿ ਬੀਤੇ 6 ਮਹੀਨੇ ਤੋਂ ਕੈਸ਼ ਦੀ ਮੰਗ ਕੀਤੀ ਜਾ ਰਹੀ ਹੈ, ਪਰ ਸਰਕਾਰ ਨੇ ਕੋਈ ਹਾਮੀ ਨਹੀਂ ਭਰੀ।
ਉਨ੍ਹਾਂ ਕਿਹਾ ਕਿ ਕੈਨੇਡਾ ਇਕੱਲਾ ਜੀ-7 ਦੇਸ਼ ਹੈ, ਜਿੱਥੇ ਇਸ ਖੇਤਰ 'ਚ ਵਿੱਤੀ ਸਹਾਇਤਾ ਪ੍ਰਦਾਨ ਨਹੀਂ ਕੀਤੀ ਗਈ ਹੈ।
ਇੰਟਰਗਵਰਨਮੈਂਟਲ ਅਫੇਅਰਜ਼ ਮੰਤਰੀ, ਡੌਮਿਨਿਕ ਲੈਬਲੌਂ ਨੇ ਐਤਵਾਰ ਨੂੰ ਇੱਕ ਇੰਟਰਵਿਊ ਦੌਰਾਨ ਬੇਲਆਊਟ ਦੇ ਦਰਵਾਜ਼ੇ ਖੁੱਲ੍ਹੇ ਰੱਖਣ ਦੀ ਗੱਲ ਆਖੀ ਸੀ, ਅਤੇ ਇਸ 'ਚ ਔਟਵਾ ਵੱਲੋਂ ਏਅਰਲਾਈਨਜ਼ ਦੇ ਸ਼ੇਅਰ ਖਰੀਦਣ ਦੀ ਗੱਲ ਵੀ ਕਹੀ ਸੀ।
ਲੈਬਲੌਂ ਦਾ ਕਹਿਣਾ ਸੀ ਕਿ ਕਨੇਡੀਅਨ ਲੋਕ ਉਮੀਦ ਕਰਦੇ ਹਨ ਕਿ ਕਿਸੇ ਵੀ ਫੈਡਰਲ ਏਅਰਲਾਈਨ ਫੰਡਿੰਗ ਦੌਰਾਨ ਸਖਤ ਸ਼ਰਤਾਂ ਰੱਖੀਆਂ ਜਾਣ, ਜਿਸ ਨਾਲ ਕਿ ਟ੍ਰੈਵਲ ਵਾਊਚਰ ਦੇ ਮਾਮਲੇ ਨੂੰ ਧਿਆਨ 'ਚ ਲਿਆਂਦਾ ਜਾਵੇ, ਜੋ ਕਿ ਕੈਰੀਅਰਜ਼ ਨੇ ਟਿਕਟ ਰਿਫੰਡ ਕਰਨ ਦੀ ਜਗ੍ਹਾ ਯਾਤਰੀਆਂ ਨੂੰ ਦਿੱਤੇ ਸਨ।
ਬੀਤੇ ਹਫ਼ਤੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਉੱਤਰੀ ਏਅਰਲਾਈਨਜ਼ ਲਈ ਐਮਰਜੈਂਸੀ ਫੰਡਿੰਗ ਦੇ ਤੌਰ 'ਤੇ $41 ਮਿਲੀਅਨ ਦੀ ਮਦਦ ਦਾ ਐਲਾਨ ਕੀਤਾ ਸੀ, ਜਿਸ ਨਾਲ ਕਿ ਪਿੱਛੜੇ ਇਲਾਕਿਆਂ 'ਚ ਸੇਵਾਵਾਂ ਜਾਰੀ ਰੱਖੀਆਂ ਜਾ ਸਕਣ।
