9.8C Vancouver 9.8C VancouverSep 29, 2021 12:15 AM -
ਬੀ.ਸੀ. 'ਚ ਫਰੇਜ਼ਰ ਈਸਟ ਦੇ ਇਲਾਕੇ 'ਚ ਪ੍ਰੋਵਿੰਸ਼ੀਅਲ ਸਿਹਤ ਅਫ਼ਸਰ, ਡਾ. ਬੌਨੀ ਹੈਨਰੀ ਨੇ ਨਵੀਆਂ ਪਬੰਦੀਆਂ ਜਾਰੀ ਕਰ ਦਿੱਤੀਆਂ ਹਨ।
ਜਿਹੜੇ ਇਲਾਕੇ ਲਈ ਪਬੰਦੀਆਂ ਜਾਰੀ ਕੀਤੀਆਂ ਹਨ ਉਸ 'ਚ ਹੋਪ, ਚਿਲਿਵੈਕ, ਐਬਟਸਫੋਰਡ, ਮਿਸ਼ਨ ਅਤੇ ਅਗਾਜ਼ੀ-ਹੈਰੀਸਨ ਦੇ ਇਲਾਕੇ ਸ਼ਾਮਿਲ ਹਨ।
ਇਸ ਇਲਾਕੇ 'ਚ ਪਬੰਦੀਆਂ ਲਾਗੂ ਕਰਨ ਦੀ ਵਜ੍ਹਾ ਕੋਵਿਡ-19 ਮਾਮਲਿਆਂ ਦੀ ਗਿਣਤੀ 'ਚ ਵਾਧਾ ਅਤੇ ਵੈਕਸੀਨੇਟਿਡ ਲੋਕਾਂ ਦੀ ਗਿਣਤੀ ਸੀਮਤ ਹੋਣਾ ਦੱਸਿਆ ਗਿਆ ਹੈ।
ਉਨ੍ਹਾਂ ਦੱਸਿਆ ਕਿ ਨਵੀਆਂ ਪਬੰਦੀਆਂ ਦੌਰਾਨ ਕਿਸੇ ਘਰ ਜਾਂ ਸੀਮਤ ਜਗ੍ਹਾ ਵਾਲੀ ਇੰਡੋਰ ਥਾਂ 'ਚ 5 ਮੈਂਬਰਾਂ ਜਾਂ ਪਰਿਵਾਰ ਦੇ 5 ਮੈਂਬਰਾਂ ਨਾਲ ਇੱਕ ਵਧੇਰੇ ਮੈਂਬਰ ਤਕ ਇਕੱਤਰਤਾ ਦੀ ਇਜਾਜਤ ਹੋਵੇਗੀ।
ਆਊਟਡੋਰ ਜਗ੍ਹਾ 'ਤੇ ਇਹ ਗਿਣਤੀ 10 ਤਕ ਰੱਖਣ ਦੀ ਇਜਾਜਤ ਦਿੱਤੀ ਗਈ ਹੈ।
ਜੇਕਰ ਸਾਰੇ ਲੋਕ ਵੈਕਸੀਨੇਟਿਡ ਹੋਣ ਤਾਂ ਇਸ 'ਚ ਤਬਦੀਲੀ ਕੀਤੀ ਜਾ ਸਕੇਗੀ।
ਵਿਆਹਾਂ ਅਤੇ ਕਾਨਫਰੈਂਸ ਜਿਹੇ ਈਵੈਂਟਸ ਲਈ ਇਕੱਠਾਂ ਦੀ ਗਿਣਤੀ ਨੂੰ 10 ਤਕ ਸੀਮਤ ਕੀਤਾ ਗਿਆ ਹੈ।
ਆਊਟਡੋਰ ਇਕੱਠ ਲਈ ਅਜਿਹੀ ਜਗ੍ਹਾ 50 ਲੋਕ ਇਕੱਠੇ ਹੋ ਸਕਣਗੇ।
ਹਾਲਾਂਕਿ ਇਸ 'ਚ ਵੀ ਸਾਰਿਆਂ ਦੀ ਪੂਰੀ ਤਰ੍ਹਾਂ ਵੈਕਸੀਨੇਟਿਡ ਹੋਣ 'ਤੇ ਢਿੱਲ ਵਰਤੀ ਜਾ ਸਕੇਗੀ।
ਡਾ. ਬੌਨੀ ਹੈਨਰੀ ਨੇ ਕਿਹਾ ਕਿ ਇਸ ਇਲਾਕੇ 'ਚ ਹਸਪਤਾਲਾਂ 'ਚ ਦਾਖਲੇ ਵਧੇ ਹਨ ਅਤੇ ਸਰਜਰੀਆਂ ਰੱਦ ਕਰਨੀਆਂ ਪੈ ਰਹੀਆਂ ਹਨ।
