14.04C Vancouver 14.04C VancouverOct 16, 2020 10:34 PM -
ਬੀ.ਸੀ. 'ਚ ਨੈਕਅਸਪ ਇਲਾਕੇ 'ਚ ਲਾਪਤਾ ਹੋਣ ਤੋਂ ਇੱਕ ਸਾਲ ਤੋਂ ਵਧੇਰੇ ਸਮਾਂ ਬੀਤ ਜਾਣ ਤੋਂ ਬਾਅਦ, 35 ਸਾਲਾ ਵਿਅਕਤੀ ਦੇ ਅਵਸ਼ੇਸ਼ ਮਿਲੇ ਹਨ।
ਆਰ.ਸੀ.ਐਮ.ਪੀ. ਕੌਰਪੋਰਲ, ਜੈਸੀ ਓ' ਡੋਨਾਘਨੀ ਦਾ ਕਹਿਣਾ ਹੈ ਕਿ ਕ੍ਰਿਸਟੋਫਰ ਸੈਨਫੋਰਡ ਨਾਮ ਦੇ ਵਿਅਕਤੀ ਦਾ ਮ੍ਰਿਤ ਸ਼ਰੀਰ 10 ਅਕਤੂਬਰ ਨੂੰ ਮਿਲਿਆ ਸੀ।
ਹਾਈਕਿੰਗ ਕਰਨ ਗਏ ਇੱਕ ਜੋੜੇ ਨੇ ਨੀਡਲਸ ਦੇ ਇਲਾਕੇ 'ਚ 'ਅੱਪਰ ਐਰੋ ਲੇਕ' ਦੇ ਇਲਾਕੇ 'ਚ ਮ੍ਰਿਤ ਵਿਅਕਤੀ ਦੇ ਅਵਸ਼ੇਸ਼ ਵੇਖੇ ਸਨ।
ਸੈਨਫੋਰਡ ਨੂੰ ਬੀਤੇ ਸਾਲ 5 ਅਗਸਤ ਨੂੰ ਲਾਪਤਾ ਹੋਇਆ ਦੱਸਿਆ ਗਿਆ ਸੀ।
ਉਸ ਦੇ ਪਿਕ-ਅਪ ਟਰੱਕ ਦੀ ਕੁਝ ਸਮੇਂ ਬਾਅਦ ਫੌਕੀਅਰ ਦੇ ਇਲਾਕੇ 'ਚ ਭਾਲ ਹੋਈ ਸੀ।
ਪੁਲਿਸ ਦਾ ਕਹਿਣਾ ਹੈ ਕਿ ਪੀੜਤ ਬਾਰੇ ਪਰਿਵਾਰ ਨੂੰ ਜਾਣਕਾਰੀ ਦੇ ਦਿੱਤੀ ਗਈ ਹੈ, ਅਤੇ ਜਾਂਚ ਕੀਤੀ ਜਾ ਰਹੀ ਹੈ ਕਿ ਮਾਮਲੇ 'ਚ ਕੋਈ ਅਪਰਾਧਿਕ ਗਤੀਵਿਧੀ ਤਾਂ ਸ਼ਾਮਿਲ ਨਹੀਂ ਹੈ।
