17.98C Vancouver 17.98C VancouverJul 20, 2021 9:04 PM -
ਕੈਲੋਨਾ 'ਚ ਇੱਕ ਇਮਾਰਤ ਨੂੰ ਛੱਡ ਕੇ ਬਾਕੀ ਦੀਆਂ ਰਿਹਾਈਸ਼ਾਂ 'ਚ ਇਲਾਕੇ ਦੇ ਲੋਕਾਂ ਦੀ ਵਾਪਸੀ ਦੀ ਇਜਾਜ਼ਤ ਦੇ ਦਿੱਤੀ ਗਈ ਹੈ।
ਇਲਾਕੇ 'ਚ ਕਰੇਨ ਡਿੱਗਣ ਦੀ ਘਟਨਾ ਤੋਂ ਬਾਅਦ ਇਹਨਾਂ ਰਿਹਾਈਸ਼ਾਂ ਨੂੰ ਖਾਲੀ ਕਰਨ ਦੇ ਨਿਰਦੇਸ਼ ਜਾਰੀ ਕੀਤੇ ਗਏ ਸਨ।
ਹੁਣ ਇਹ ਨਿਰਦੇਸ਼ ਰੱਦ ਕਰ ਦਿੱਤੇ ਗਏ ਹਨ।
ਸੈਂਟਰਲ ਓਕਾਨਾਗਨ ਐਮਰਜੈਂਸੀ ਆਪ੍ਰੇਸ਼ਨਸ ਵੱਲੋਂ ਇਸ ਬਾਰੇ ਇੱਕ ਬਿਆਨ ਜਾਰੀ ਕੀਤਾ ਗਿਆ ਹੈ।
ਦੱਸਿਆ ਗਿਆ ਕਿ ਕਰੇਨ ਦੇ ਹਿੱਸਿਆਂ ਨੂੰ ਹਟਾਉਣ ਦਾ ਕੰਮ ਪੂਰਾ ਕਰ ਲਿਆ ਗਿਆ ਹੈ।
ਪ੍ਰਭਾਵਿਤ ਰਿਹਾਈਸ਼ਾਂ ਦੀ ਸੁਰੱਖਿਆ ਦੀ ਇੰਸਪੈਕਸ਼ਨ ਵੀ ਕਰ ਲਈ ਗਈ ਹੈ।
ਹਾਲਾਂਕਿ ਇੱਕ ਇਮਾਰਤ ਅਜੇ ਵੀ ਇਵੈਕੂਏਸ਼ਨ ਆਰਡਰ ਹੇਠ ਹੈ।
ਪ੍ਰਭਾਵਿਤ ਰਿਹਾਈਸ਼ਾਂ ਬਰਟਰੇਮ ਸਟ੍ਰੀਟ ਅਤੇ ਸੇਂਟ ਪੌਲ ਸਟ੍ਰੀਟ 'ਤੇ ਸਥਿਤ ਦੱਸੀਆਂ ਗਈਆਂ ਹਨ।
ਯਾਦ ਰਹੇ ਇਲਾਕੇ 'ਚ ਵਾਪਰੀ ਕਰੇਨ ਡਿੱਗਣ ਦੀ ਘਟਨਾ 'ਚ 5 ਲੋਕਾਂ ਦੀ ਮੌਤ ਹੋ ਗਈ ਸੀ।
