20.1C Vancouver 20.1C VancouverJan 28, 2021 4:31 PM -
ਰੀਡੋ ਹਾਲ ਵਿੱਚ ਕੰਮ ਦੇ ਖ਼ਰਾਬ ਮਾਹੌਲ ਨਾਲ ਸਬੰਧਤ ਰੀਵਿਊ ਦੇ ਨਤੀਜੇ ਜਨਤਕ ਕਰ ਦਿੱਤੇ ਗਏ ਹਨ।
ਸਰਕਾਰ ਵਲੋਂ ਬੁੱਧਵਾਰ ਸ਼ਾਮ ਨੂੰ ਕਵਿੰਟਟ ਕੰਸਲਟਿੰਗ ਕਾਰਪੋਰੇਸ਼ਨ ਵਲੋਂ ਕੀਤੀ ਪੜਚੋਲ ਦੇ ਨਤੀਜੇ ਸਾਂਝੇ ਕੀਤੇ ਗਏ।
ਇਸ ਵਿੱਚ ਹਿੱਸਾ ਲੈਣ ਵਾਲਿਆਂ ਦੀ ਪਛਾਣ ਨੂੰ ਗੁਪਤ ਰੱਖਿਆ ਗਿਆ ਹੈ ਅਤੇ ਵੇਰਵਿਆਂ ਦੇ ਪੂਰੇ ਪੰਨੇ ਕਾਲੇ ਕਰ ਦਿੱਤੇ ਗਏ ਹਨ ਜਾਂ ਇਨ੍ਹਾਂ ਨੂੰ ਹਟਾ ਦਿੱਤਾ ਗਿਆ ਹੈ।
ਪਰ ਇਸ ਸਮੀਖਿਆ ਵਿੱਚ ਰੀਡੋ ਹਾਲ ਵਿੱਚ "ਜ਼ਹਿਰੀਲੇ ਕੰਮ ਦਾ ਵਾਤਾਵਰਣ", "ਅਪਮਾਨ," "ਨਿਰਾਦਰ" ਅਤੇ "ਸਦਭਾਵਨਾ" ਵਰਗੇ ਵਾਕ ਸ਼ਾਮਲ ਹਨ।
ਇਸ ਮੁਤਾਬਕ ਸਾਬਕਾ ਗਵਰਨਰ ਜਨਰਲ ਜੂਲੀ ਪਾਇਟ ਦੇ ਅਪਮਾਨਜਨਕ ਰਵੱਈਏ ਕਾਰਨ ਕੰਮ ਦਾ ਵਾਤਾਵਰਨ ਖ਼ਰਾਬ ਬਣਿਆ ਹੋਇਆ ਸੀ।
ਕੁਝ ਮੁਲਾਜ਼ਮਾਂ ਮੁਤਾਬਕ ਪਾਇਟ ਅਕਸਰ ਨਿਰਾਦਰ ਅਤੇ ਘ੍ਰਿਣਾ ਨਾਲ ਭਰੀਆਂ ਟਿੱਪਣੀਆਂ ਕਰ ਸਟਾਫ ਨਾਲ ਬਦਸਲੂਕੀ ਕਰਦੇ ਸਨ।
ਯਾਦ ਰਹੇ ਕਿ ਰਿਪੋਰਟ ਦੇ ਨਤੀਜੇ ਜਨਤਕ ਹੋਣ ਤੋਂ ਪਹਿਲਾਂ ਹੀ ਬੀਤੇ ਹਫ਼ਤੇ ਪਾਇਟ ਨੇ ਗਵਰਨਰ ਜਨਰਲ ਦੇ ਅਹੁਦੇ ਤੋਂ ਆਪਣਾ ਅਸਤੀਫ਼ਾ ਦੇ ਦਿੱਤਾ ਸੀ।
