14C Vancouver 14C VancouverMar 9, 2022 8:25 PM - The Canadian Press
ਬੀ.ਸੀ. 'ਚ ਓਵਰਡੋਜ਼ ਸੰਬੰਧੀ ਮੌਤਾਂ ਬਾਰੇ ਚੀਫ਼ ਕੋਰੋਨਰ ਲੀਜ਼ਾ ਲਾਪੌਂਟ ਵੱਲੋਂ ਇੱਕ ਰਿਪੋਰਟ ਸਾਂਝੀ ਕੀਤੀ ਗਈ ਹੈ।
ਇਸ 'ਚ ਬੀ.ਸੀ. ਕੋਰੋਨਰਸ ਸਰਵਿਸ ਡੈਥ ਰੀਵਿਊ ਪੈਨਲ ਵੱਲੋਂ 6,000 ਤੋਂ ਵਧੇਰੇ ਓਵਰਡੋਜ਼ ਸੰਬੰਧੀ ਮੌਤਾਂ ਨੂੰ ਐਗਜ਼ਾਮਿਨ ਕੀਤਾ ਗਿਆ ਹੈ।
ਇਹ ਮੌਤਾਂ ਅਗਸਤ 2017 ਤੋਂ ਜੁਲਾਈ 2021 ਵਿਚਾਲੇ ਹੋਈਆਂ ਸਨ।
ਇਹ ਰਿਪੋਰਟ ਸਾਲ 2021 'ਚ ਓਵਰਡੋਜ਼ ਸੰਬੰਧੀ ਮੌਤਾਂ ਦੇ ਸਾਰੇ ਰਿਕਰਡ ਟੁੱਟਣ ਮਗਰੋਂ ਜਾਰੀ ਕੀਤੀ ਗਈ ਹੈ।
ਯਾਦ ਰਹੇ ਬੀਤੇ ਸਾਲ ਬੀ.ਸੀ. 'ਚ ਓਵਰਡੋਜ਼ ਸੰਬੰਧੀ 2,224 ਮੌਤਾਂ ਰਿਪੋਰਟ ਹੋਈਆਂ ਸਨ।
ਇਸ ਰਿਪੋਰਟ 'ਚ ਕੁਝ ਸਲਾਹਾਂ ਵੀ ਦਿੱਤੀਆਂ ਗਈਆਂ ਹਨ। ਇਹ ਸਲਾਹਾਂ ਪ੍ਰੋਵਿੰਸ਼ੀਅਲ ਲੀਡਰਾਂ ਅਤੇ ਸੰਬੰਧਤ ਸੰਗਠਨਾਂ ਲਈ ਜਾਰੀ ਕੀਤੀਆਂ ਗਈਆਂ ਹਨ।
ਇਸ 'ਚ ਮੁੱਖ ਸਲਾਹ ਡਰੱਗਸ ਦੀ ਸੁਰੱਖਿਅਤ ਸਪਲਾਈ ਦੀ ਹੈ।
ਬੀ.ਸੀ. ਵੱਲੋਂ ਡਰੱਗਸ ਦੀ ਸੁਰੱਖਿਅਤ ਸਪਲਾਈ 'ਤੇ ਜੋਰ ਦਿੱਤਾ ਜਾਂਦਾ ਰਿਹਾ ਹੈ ਪਰ ਇਸ ਨੂੰ ਇਸਤੇਮਾਲ ਕਰਨ ਵਾਲੇ ਕਹਿੰਦੇ ਰਹੇ ਹਨ ਕਿ ਕੋਕੇਨ, ਹੈਰੋਇਨ ਅਤੇ ਮੈਥਮਫਿਟਾਮੀਨ ਜਿਹੇ ਡਰੱਗਸ ਦੇ ਕਲੀਨ ਵਰਜ਼ਨ ਦੀ ਲੋੜ ਹੈ।
ਪੈਨਲ ਨੇ ਇੱਕ ਲੇਬਲ ਤਹਿਤ '30/60/90 ਡੇਅ ਇਲੀਸਿਟ ਡਰੱਗ ਟੌਕਸਿਟੀ ਐਕਸ਼ਨ ਪਲੈਨ' ਦੀ ਵੀ ਸਲਾਹ ਜਾਰੀ ਕੀਤੀ ਹੈ।
ਇਸ ਤਹਿਤ ਨਵਾਂ ਫਰੇਮਵਰਕ ਤਿਆਰ ਕਰਨ ਦੀ ਗੱਲ ਆਖੀ ਗਈ ਹੈ, ਜਿਸ ਨਾਲ ਓਵਰਡੋਜ਼ ਸੰਬੰਧੀ ਮੌਤਾਂ ਨੂੰ ਘਟਾਇਆ ਜਾ ਸਕੇ ਅਤੇ ਡਾਟਾ ਸ਼ੇਅਰਿੰਗ ਨੂੰ ਵਧਾਇਆ ਜਾ ਸਕੇ। ਸਾਲ 2018 ਤੋਂ ਬਾਅਦ ਸੂਬੇ 'ਚ ਇਸ ਸੰਕਟ ਸੰਬੰਧੀ ਇਹ ਪਹਿਲੀ ਅਜਿਹੀ ਰਿਪੋਰਟ ਹੈ।
