12.91C Vancouver 12.91C VancouverJan 20, 2025 5:06 PM - Connect Newsroom
ਕੈਨੇਡਾ ਲਈ ਰਾਹਤ ਦੀ ਖ਼ਬਰ ਹੋ ਸਕਦੀ ਹੈ, ਅਮਰੀਕਾ ਤੋਂ ਕਈ ਰਿਪੋਰਟਸ ਮੁਤਾਬਕ, ਟਰੰਪ ਆਪਣੇ ਅਹੁਦੇ ਦੇ ਪਹਿਲੇ ਦਿਨ ਕੈਨੇਡਾ, ਮੈਕਸੀਕੋ ਅਤੇ ਚੀਨ ’ਤੇ ਆਪਣੇ ਵਾਅਦੇ ਅਨੁਸਾਰ ਟੈਰਿਫ ਦਾ ਆਦੇਸ਼ ਜਾਰੀ ਨਹੀਂ ਕਰਨਗੇ।
ਟਰੰਪ ਪ੍ਰਸ਼ਾਸਨ ਦੇ ਇੱਕ ਅਧਿਕਾਰੀ ਦਾ ਕਹਿਣਾ ਹੈ ਕਿ ਟਰੰਪ ਫਿਲਹਾਲ ਏਜੰਸੀਆਂ ਨੂੰ ਅਮਰੀਕਾ ਦੇ ਵਪਾਰ ਘਾਟੇ, ਦੂਜੇ ਦੇਸ਼ਾਂ ਵਲੋਂ ਵਪਾਰ ਵਿਚ ਵਰਤੀਆਂ ਜਾ ਰਹੀਆਂ ਅਣਉਚਿਤ ਅਭਿਆਸ ਅਤੇ ਮੁਦਰਾ ਨੀਤੀਆਂ ਦੀ ਜਾਂਚ ਕਰਨ ਦਾ ਹੁਕਮ ਜਾਰੀ ਕਰਨਗੇ।
ਅਧਿਕਾਰੀ ਨੇ ਕਿਹਾ ਕਿ ਇਸ ਆਦੇਸ਼ ਵਿਚ ਕੈਨੇਡਾ, ਮੈਕਸੀਕੋ ਅਤੇ ਚੀਨ ਨੂੰ ਜਾਂਚ ਦੇ ਘੇਰੇ ਵਿਚ ਲਿਆਂਦਾ ਜਾਵੇਗਾ ਪਰ ਨਵੇਂ ਟੈਰਿਫ ਦਾ ਐਲਾਨ ਨਹੀਂ ਕੀਤਾ ਜਾਵੇਗਾ। ਗੌਰਤਲਬ ਹੈ ਕਿ ਡੋਨਲਡ ਟਰੰਪ ਅੱਜ ਵ੍ਹਾਈਟ ਹਾਊਸ ਵਿਚ ਵਾਪਸੀ ਕਰ ਕਰ ਰਹੇ ਹਨ, ਇਹ ਉਨ੍ਹਾਂ ਦਾ ਦੂਜਾ ਕਾਰਜਕਾਲ ਹੋਵੇਗਾ।
ਸੋਮਵਾਰ ਤੋਂ ਉਹ ਅਮਰੀਕਾ ਦੇ 47ਵੇਂ ਰਾਸ਼ਟਰਪਤੀ ਦੇ ਰੂਪ ਵਿਚ ਅਹੁਦਾ ਸੰਭਾਲਣ ਜਾ ਰਹੇ ਹਨ। ਹਾਲਾਂਕਿ, ਉਨ੍ਹਾਂ ਦੇ ਟੈਰਿਫ ਸਬੰਧੀ ਕਿਸੇ ਵੀ ਆਦੇਸ਼ ਨਾਲ ਨਜਿੱਠਣ ਲਈ ਕੈਨੇਡਾ ਪਹਿਲਾਂ ਤੋਂ ਤਿਆਰੀ ਕਰ ਚੁੱਕਾ ਹੈ। ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਇਹ ਕਹਿ ਚੁੱਕੇ ਹਨ ਕਿ ਕੈਨੇਡਾ ਟਰੰਪ ਦੇ ਕਦਮ ਦੇ ਆਧਾਰ ’ਤੇ ਕਰੜਾ ਜਵਾਬ ਦੇਵੇਗਾ।
