15.99C Vancouver 15.99C VancouverApr 20, 2021 9:32 PM -
ਫਰੇਜ਼ਰ ਹੈਲਥ ਅਥਾਰਿਟੀ ਦਾ ਕਹਿਣਾ ਹੈ ਕਿ ਉਨ੍ਹਾਂ ਵੱਲੋਂ ਕੁਝ ਖਾਸ ਇਲਾਕਿਆਂ ਦੇ 40 ਸਾਲ ਅਤੇ ਉਸ ਤੋਂ ਵਧੇਰੀ ਉਮਰ ਦੇ ਲੋਕਾਂ ਨੂੰ ਵੈਕਸੀਨੇਟ ਕੀਤਾ ਜਾਵੇਗਾ।
ਇਹ ਪ੍ਰੀਕਿਰਿਆ ਅਜਿਹੇ ਇਲਾਕਿਆਂ 'ਚ ਵਰਤੀ ਜਾਵੇਗੀ ਜੋ ਕਿ ਕੋਵਿਡ-19 ਲਈ ਵਧੇਰੇ ਖਤਰੇ ਦਾ ਸਾਹਮਣਾ ਕਰ ਰਹੇ ਹਨ।
ਹੈਲਥ ਅਥਾਰਿਟੀ ਦੀ ਪ੍ਰਧਾਨ ਅਤੇ ਸੀ.ਈ.ਓ. ਡਾ. ਵਿਕਟੋਰੀਆ ਲੀ ਦਾ ਕਹਿਣਾ ਹੈ ਕਿ ਸਰੀ, ਨੌਰਥ ਡੈਲਟਾ ਅਤੇ ਲੈਂਗਲੀ ਦੇ ਕੁਝ ਖਾਸ ਇਲਾਕਿਆਂ 'ਚ ਵੈਕਸੀਨੇਸ਼ਨ ਦੇ ਨਾਲ ਹਸਪਤਾਲਾਂ 'ਚ ਕੋਵਿਡ-19 ਦੇ ਦਬਾਅ 'ਤੇ ਕਾਬੂ ਪਾਇਆ ਜਾ ਸਕੇਗਾ।
ਲੀ ਨੇ ਦੱਸਿਆ ਹੈ ਕਿ ਅਨੁਮਾਨ ਅਨੁਸਾਰ ਕਰੀਬ 50 ਤੋਂ 70 ਸਰਜਰੀਆਂ ਕੈਂਸਲ ਕੀਤੀਆਂ ਗਈਆਂ ਹਨ ਅਤੇ ਇਲਾਕੇ ਦੇ ਹਸਪਤਾਲ 96% ਕਪੈਸਟੀ 'ਤੇ ਪਹੁੰਚ ਗਏ ਹਨ।
ਅੱਜ ਸਵੇਰ ਤਕ ਫਰੇਜ਼ਰ ਹੈਲਥ ਦੇ ਹਸਪਤਾਲਾਂ 'ਚ 229 ਕੋਵਿਡ-19 ਮਰੀਜ਼ ਦਾਖਿਲ ਦੱਸੇ ਗਏ ਸਨ।
ਫਰੇਜ਼ਰ ਹੈਲਥ ਦੀ ਚੀਫ਼ ਮੈਡਿਕਲ ਅਫ਼ਸਰ, ਡਾ. ਐਲਿਜ਼ਾਬੈਥ ਬ੍ਰੌਡਕਿਨ ਦਾ ਕਹਿਣਾ ਹੈ ਕਿ ਲੋਕਾਂ 'ਚ ਵਧੇਰੇ ਪਬੰਦੀਆਂ ਤੋਂ ਨਿਰਾਸ਼ਾ ਹੈ ਪਰ ਉਨ੍ਹਾਂ ਕਿਹਾ ਕਿ ਇਸ ਨਾਲ ਵਾਇਰਸ ਸੰਕ੍ਰਮਣ ਨੂੰ ਘਟਾਉਣ 'ਚ ਮਦਦ ਮਿਲ ਸਕੇਗੀ।
