13.74C Vancouver 13.74C VancouverSep 6, 2023 5:52 PM - The Canadian Press
ਜੰਗਲ ਦੀ ਅੱਗ ਕਾਰਨ ਯੈਲੋਨਾਈਫ਼ ਦੇ ਵਸਨੀਕਾਂ ਨੂੰ ਤੁਰੰਤ ਸ਼ਹਿਰ ਖ਼ਾਲੀ ਕਰਨ ਦੇ ਆਦੇਸ਼ ਜਾਰੀ ਕੀਤੇ ਗਏ ਸਨ, ਇਸ ਅੱਗ ਕਰਕੇ 20,000 ਲੋਕਾਂ ਨੂੰ ਘਰ ਛੱਡਣ ਲਈ ਮਜ਼ਬੂਰ ਹੋਣਾ ਪਿਆ ਸੀ, ਪਰ ਹੁਣ ਯੈਲੋਨਾਈਫ਼ ਦੇ ਵਸਨੀਕਾਂ ਨੂੰ ਰਾਹਤ ਭਰੀ ਖ਼ਬਰ ਮਿਲੀ ਹੈ ਕਿ ਇਵੈਕੁਏਸ਼ਨ ਆਰਡਰਸ ਨੂੰ ਹਟਾ ਦਿੱਤਾ ਗਿਆ ਹੈ ਤੇ ਲੋਕ ਆਪਣੇ ਘਰਾਂ ਨੂੰ ਵਾਪਿਸ ਪਰਤ ਸਕਦੇ ਹਨ।
ਜੰਗਲ ਦੀ ਅੱਗ ਨੂੰ ਹੁਣ ਕਾਬੂ ਹੇਠ ਮੰਨਿਆ ਜਾ ਰਿਹਾ ਹੈ।
ਸ਼ਹਿਰ ਦਾ ਹਵਾਈ ਅੱਡਾ ਵੀ ਅੱਜ ਮੁੜ ਖੁੱਲ੍ਹਣ ਦੀ ਉਮੀਦ ਹੈ।
ਦੱਸ ਦਈਏ ਕਿ ਯੈਲੋਨਾਈਫ਼ ਅਤੇ ਐਂਡਿਲੋ ਦੇ ਵਸਨੀਕਾਂ ਨੂੰ 17 ਅਗਸਤ ਨੂੰ ਸ਼ਹਿਰ ਛੱਡਣ ਲਈ ਆਖਿਆ ਗਿਆ ਸੀ।
ਇਸ ਭਿਆਨਕ ਅੱਗ ਕਰਕੇ ਨੌਰਥ ਵੈਸਟ ਟੈਰਿਟ੍ਰੀਜ਼ ਵਿੱਚ ਅਕਤੂਬਰ ਵਿੱਚ ਪੈਣ ਵਾਲੀਆਂ ਵੋਟਾਂ ਨੂੰ ਵੀ ਅੱਗੇ ਪਾ ਦਿੱਤਾ ਗਿਆ ਸੀ ਹੁਣ ਖੇਤਰੀ ਚੋਣਾਂ 14 ਨਵੰਬਰ ਨੂੰ ਹੋਣਗੀਆਂ।
ਜ਼ਿਕਰਯੋਗ ਹੈ ਕਿ ਇੱਥੇ ਲੱਗੀ ਜੰਗਲੀ ਅੱਗ ਕੈਨੇਡਾ ਵਿੱਚ ਇਸ ਸਾਲ ਦੀ ਸਭ ਤੋਂ ਘਾਤਕ ਜੰਗਲੀ ਅੱਗ ਵਿੱਚੋਂ ਇੱਕ ਸੀ।
ਇਸ ਸਾਲ ਜੰਗਲਾਂ ਵਿੱਚ ਲੱਗੀ ਅੱਗ ਕਾਰਨ ਖੇਤਰ ਲਗਭਗ 6 ਗੁਣਾ ਵੱਧ ਸੜ ਗਿਆ ਹੈ।
