18.07C Vancouver 18.07C VancouverMay 20, 2025 5:41 PM - Connect Newsroom
ਪੰਜਾਬ ਵਿਚ ਅਟਾਰੀ-ਵਾਹਗਾ ਸਰਹੱਦ 'ਤੇ 12 ਦਿਨਾਂ ਬਾਅਦ ਰਿਟ੍ਰੀਟ ਸੈਰੇਮਨੀ ਹੋਈ ਹੈ। 6-7 ਮਈ ਦੀ ਰਾਤ ਨੂੰ ਪਾਕਿਸਤਾਨ 'ਤੇ ਭਾਰਤ ਦੇ ਓਪ੍ਰੇਸ਼ਨ ਸਿੰਧੂਰ ਤੋਂ ਬਾਅਦ ਇਸ ਨੂੰ 7 ਮਈ ਨੂੰ ਬੰਦ ਕਰ ਦਿੱਤਾ ਗਿਆ ਸੀ। ਹਾਲਾਂਕਿ, ਅੱਜ ਰਿਟ੍ਰੀਟ ਸੈਰੇਮਨੀ ਦੌਰਾਨ ਭਾਰਤ-ਪਾਕਿਸਤਾਨ ਸਰਹੱਦ ਦੇ ਗੇਟ ਬੰਦ ਰੱਖੇ ਗਏ ਸਨ। ਦੋਵਾਂ ਦੇਸ਼ਾਂ ਦੇ ਸੈਨਿਕਾਂ ਨੇ ਇੱਕ-ਦੂਜੇ ਨਾਲ ਹੱਥ ਵੀ ਨਹੀਂ ਮਿਲਾਇਆ।
ਇਸ ਤੋਂ ਇਲਾਵਾ ਭਾਰਤੀ ਗੈਲਰੀ ਵਿਚ ਭੀੜ ਰਹੀ, ਜਦੋਂ ਕਿ ਪਾਕਿਸਤਾਨ ਵਾਲੇ ਪਾਸੇ ਪਾਕਿਸਤਾਨੀ ਰੇਂਜਰਸ ਨੇ ਉੱਥੇ ਦੇ ਵਰਕਰਾਂ ਨੂੰ ਗੈਲਰੀ ਵਿਚ ਬਿਠਾਇਆ। ਫਿਰੋਜ਼ਪੁਰ ਵਿਚ ਹੁਸੈਨੀਵਾਲਾ ਤੇ ਫਾਜ਼ਿਲਕਾ ਵਿਚ ਸਾਦਕੀ ਬਾਰਡਰ 'ਤੇ ਵੀ ਰਿਟ੍ਰੀਟ ਸੈਰੇਮਨੀ ਹੋਈ। ਦੋਵਾਂ ਮੁਲਕਾਂ ਵਿਚਕਾਰ ਇਹ ਰਿਟ੍ਰੀਟ ਸਾਲ 1959 ਤੋਂ ਰਿਵਾਜ਼ ਦੇ ਤੌਰ 'ਤੇ ਹੁੰਦੀ ਆਈ ਹੈ।
