23.39C Vancouver 23.39C VancouverApr 14, 2021 5:44 PM -
ਹੈਲਥ ਕੈਨੇਡਾ ਦੀ ਚੀਫ਼ ਮੈਡਿਕਲ ਐਡਵਾਈਜ਼ਰ, ਡਾ. ਸੁਪ੍ਰਿਯਾ ਸ਼ਰਮਾ ਦਾ ਕਹਿਣਾ ਹੈ ਕਿ ਅਜਿਹਾ ਕੋਈ ਸਬੂਤ ਨਹੀਂ ਹੈ ਕਿ ਔਕਸਫਰਡ-ਐਸਟ੍ਰਾਜ਼ੈਨਕਾ ਵੈਕਸੀਨ ਕਿਸੇ ਖਾਸ ਪ੍ਰਕਾਰ ਦੇ ਲੋਕਾਂ ਲਈ ਖਤਰਾ ਸਾਬਿਤ ਹੋ ਸਕਦੀ ਹੋਵੇ ਅਤੇ ਇਸਲਈ ਇਸ ਦੀ ਆਥੋਰਾਈਜ਼ੇਸ਼ਨ ਜਾਰੀ ਰਹੇਗੀ।
ਸੇਫਟੀ ਡਾਟਾ ਦੇ ਰੀਵਿਊ ਤੋਂ ਬਾਅਦ ਹੈਲਥ ਕੈਨੇਡਾ ਦਾ ਕਹਿਣਾ ਹੈ ਕਿ ਔਕਸਫਰਡ-ਐਸਟ੍ਰਾਜ਼ੈਨਕਾ ਵੈਕਸੀਨ ਦੇ ਲਾਭ ਇਸ ਵੈਕਸੀਨ ਨਾਲ ਸੰਬੰਧਤ ਕਿਸੇ ਵੀ ਖਤਰੇ ਦੇ ਮੁਕਾਬਲੇ ਕਿਤੇ ਵੱਧ ਹਨ।
ਡਾ. ਸੁਪ੍ਰਿਯਾ ਸ਼ਰਮਾ ਨੇ ਕਿਹਾ ਕਿ ਇਹ ਵੈਕਸੀਨ ਅਤੇ ਦੇਸ਼ 'ਚ ਵਰਤੋਂ ਲਈ ਮਨਜ਼ੂਰ ਹੋਈਆਂ ਬਾਕੀ ਦੀਆਂ ਵੈਕਸੀਨ ਸੁਰੱਖਿਅਤ ਹਨ।
ਉਨ੍ਹਾਂ ਦੱਸਿਆ ਕਿ ਡਿਪਾਰਟਮੈਂਟ ਦੇ 'ਡਰੱਗ ਰੈਗੂਲੇਟਰੀ ਮਾਹਿਰਾਂ' ਨੇ ਸੇਫਟੀ ਡਾਟਾ ਰੀਵਿਊ ਪੂਰਾ ਕਰ ਲਿਆ ਹੈ।
ਅਜਿਹਾ ਉਸ ਵੇਲੇ ਕਿਹਾ ਜਾ ਰਿਹਾ ਹੈ ਜਦ ਕਿਊਬੈਕ ਦੀ ਇੱਕ ਔਰਤ ਨੂੰ ਬਲੱਡ ਕਲੌਟਸ ਦੀ ਸਮੱਸਿਆ ਨਾਲ ਜੂਝਣਾ ਪਿਆ ਹੈ।
ਇਸ ਔਰਤ ਨੂੰ ਔਕਸਫਰਡ-ਐਸਟ੍ਰਾਜ਼ੈਨਕਾ ਵੈਕਸੀਨ ਦੀ ਖੁਰਾਕ ਮਿਲੀ ਸੀ।
ਇਹ ਬਲੱਡ-ਕਲੌਟਸ ਨਾਲ ਸੰਬੰਧਤ ਕੈਨੇਡਾ 'ਚ ਵੈਕਸੀਨ ਨਾਲ ਜੁੜਿਆ ਪਹਿਲਾ ਮਾਮਲਾ ਸੀ।
ਔਰਤ ਦੀ ਸਿਹਤ 'ਚ ਸੁਧਾਰ ਹੋ ਰਿਹਾ ਹੈ।
