9.83C Vancouver 9.83C VancouverMar 30, 2022 9:40 PM - Connect News
ਰਿਚਮੰਡ ਪੁਲਿਸ ਦਾ ਕਹਿਣਾ ਹੈ ਕਿ 2 ਲੋਕਾਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ ਅਤੇ ਦੋਵਾਂ ਤੋਂ ਫੇਕ ਗੋਲਡ ਯਾਨੀ ਕਿ ਨਕਲੀ ਸੋਨਾ ਬਰਾਮਦ ਕੀਤਾ ਗਿਆ ਹੈ।
ਧੋਖਾਧੜੀ ਦੇ ਮਾਮਲੇ 'ਚ ਕੀਤੀ ਜਾ ਰਹੀ ਜਾਂਚ ਤਹਿਤ ਇਹ ਗ੍ਰਿਫਤਾਰੀ ਹੋਈ ਹੈ।
ਪੁਲਿਸ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਇਸੇ ਮਹੀਨੇ ਗਾਰਡਨ ਸਿਟੀ ਰੋਡ ਅਤੇ ਵੈਸਟਮਿਨਸਟਰ ਹਾਈਵੇਅ ਕੋਲ ਸੱਦਿਆ ਗਿਆ ਸੀ ਜਦ ਇੱਕ ਆਦਮੀ ਅਤੇ ਇੱਕ ਔਰਤ ਨੇ ਕਥਿਤ ਤੌਰ 'ਤੇ ਇੱਕ ਆਦਮੀ ਤਕ ਪਹੁੰਚ ਕੀਤੀ ਸੀ।
ਦੋਵਾਂ ਨੇ ਆਦਮੀ ਨੂੰ ਕੁਝ ਕੈਸ਼ ਦੇ ਬਦਲੇ ਸੋਨਾ ਵੇਚਣ ਦੀ ਕੋਸ਼ਿਸ਼ ਕੀਤੀ ਸੀ, ਆਦਮੀ ਨੇ ਦੋਵਾਂ ਨੂੰ ਮਨਾ ਕਰ ਦਿੱਤਾ ਅਤੇ ਪੁਲਿਸ ਸੱਦ ਲਈ।
3 ਦਿਨ ਬਾਅਦ ਪੁਲਿਸ ਨੇ 2 ਸ਼ੱਕੀਆਂ ਨੂੰ ਗ੍ਰਿਫਤਾਰ ਕੀਤਾ ਜਿੰਨਾ ਨੂੰ ਇੱਕ ਸੋਨੇ ਸੰਬੰਧੀ ਠੱਗੀ ਦੇ ਆਪਰੇਸ਼ਨ 'ਚ ਸ਼ਾਮਿਲ ਮੰਨਿਆ ਜਾ ਰਿਹਾ ਸੀ।
ਜਾਂਚ ਅਧਿਕਾਰੀਆਂ ਨੇ ਲੋਕਾਂ ਨੂੰ ਇਸ ਪ੍ਰਕਾਰ ਦੀ ਸੋਨੇ ਦੀ ਠੱਗੀ ਬਾਰੇ ਸਾਵਧਾਨ ਕੀਤਾ ਅਤੇ ਕਿਹਾ ਕਿ ਇਸ ਪ੍ਰਕਾਰ ਨਾਲ ਕੋਈ ਕੈਸ਼ ਬਦਲੇ ਸੋਨਾ ਵੇਚਣ ਦੀ ਪੇਸ਼ਕਸ਼ ਕਰੇ ਤਾਂ ਧਿਆਨ ਰੱਖਿਆ ਜਾਵੇ।
