12.06C Vancouver 12.06C VancouverMar 26, 2021 9:25 PM -
ਰਿਚਮੰਡ ਆਰ.ਸੀ.ਐਮ.ਪੀ. ਵੱਲੋਂ ਇੱਕ ਘਰ 'ਚ ਵਾਪਰੀ ਡਾਕੇ ਦੀ ਘਟਨਾ ਤੋਂ ਬਾਅਦ ਗਵਾਹਾਂ ਅਤੇ ਸਰਵੇਲੈਂਸ ਵੀਡੀਓ ਦੀ ਭਾਲ ਕੀਤੀ ਜਾ ਰਹੀ ਹੈ।
ਮਾਮਲਾ 23 ਮਾਰਚ ਦਾ ਦੱਸਿਆ ਗਿਆ ਹੈ।
ਰਾਤ ਕਰੀਬ 9.30 ਵਜੇ ਇੱਕ ਜੋੜਾ ਘਰ 'ਚ ਫਿਲਮ ਵੇਖ ਰਿਹਾ ਸੀ ਜਦ ਉਨ੍ਹਾਂ ਦੇ ਘਰ ਦੀ ਘੰਟੀ ਵੱਜੀ।
ਜਦ ਉਨ੍ਹਾਂ ਦਰਵਾਜ਼ਾ ਖੋਲ੍ਹਿਆ ਤਾਂ 4 ਲੋਕ ਘਰ 'ਚ ਦਾਖਿਲ ਹੋ ਗਏ।
ਉਨ੍ਹਾਂ ਕੋਲ ਹਥਿਆਰ ਵੀ ਸਨ।
ਸ਼ੱਕੀਆਂ ਨੇ ਦੋਵਾਂ ਨੂੰ ਇੱਕ ਪਾਸੇ ਬਿਠਾ ਦਿੱਤਾ ਅਤੇ ਸਾਰੇ ਘਰ 'ਚ ਲੁੱਟ-ਖਸੁੱਟ ਕਰਨ ਤੋਂ ਬਾਅਦ ਨਿਕਲ ਗਏ।
ਰਿਚਮੰਡ ਆਰ.ਸੀ.ਐਮ.ਪੀ. (Richmond RCMP) ਤੋਂ ਕੌਰਪੋਰਲ ਈਅਨ ਹੈਂਡਰਸਨ (Corporal Ian Henderson) ਦਾ ਕਹਿਣਾ ਸੀ ਕਿ ਇਹ ਬੇਹੱਦ ਡਰਾ ਦੇਣ ਵਾਲੀ ਘਟਨਾ ਸੀ।
ਉਨ੍ਹਾਂ ਕਿਹਾ ਕਿ ਜਾਪਦਾ ਹੈ ਜਿਵੇਂ ਸ਼ੱਕੀ ਕਿਸੇ ਹੋਰ ਘਰ ਨੂੰ ਨਿਸ਼ਾਨਾ ਬਣਾਉਣ ਆਏ ਸਨ ਪਰ ਗਲਤੀ ਨਾਲ ਇਸ ਘਰ 'ਚ ਦਾਖਿਲ ਹੋ ਗਏ।
ਪੁਲਿਸ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਘਟਨਾ ਦੀ ਕੁਝ ਜਾਣਕਾਰੀ ਹੋਵੇ ਤਾਂ ਉਨ੍ਹਾਂ ਨੂੰ ਦੱਸਿਆ ਜਾਵੇ।
