ਰਿਚਮੰਡ ਆਰਸੀਐਮਪੀ ਅਧਿਕਾਰੀ 'ਤੇ ਚੋਰੀ ਅਤੇ ਅਹੁਦੇ ਦੀ ਦੁਰਵਰਤੋਂ ਕਰਨ ਦੇ ਲੱਗੇ ਦੋਸ਼

ਰਿਚਮੰਡ ਦੇ ਇੱਕ ਆਰ.ਸੀ.ਐਮ.ਪੀ. ਔਫੀਸਰ 'ਤੇ ਡਿਊਟੀ ਦੌਰਾਨ ਚੋਰੀ ਕਰਨ ਅਤੇ ਅਹੁਦੇ ਦੀ ਦੁਰਵਰਤੋਂ ਕਰਕੇ ਭਰੋਸਾ ਤੋੜਨ ਦੇ ਗੰਭੀਰ ਦੋਸ਼ ਲੱਗੇ ਹਨ। ਬੀ.ਸੀ. ਪ੍ਰੌਸੀਕਿਊਸ਼ਨ ਸਰਵਿਸ ਮੁਤਾਬਕ, ਰਿਚਮੰਡ ਆਰਸੀਐਮਪੀ ਦੇ ਕਾਂਸਟੇਬਲ.Jae Suk Choi ਖ਼ਿਲਾਫ਼ $5,000 ਤੋਂ ਘੱਟ ਦੀ ਚੋਰੀ ਅਤੇ Breach of Trust ਤਹਿਤ ਮਾਮਲਾ ਦਰਜ ਕੀਤਾ ਗਿਆ ਹੈ।

ਇਹ ਕਾਰਵਾਈ ਕੋਕੁਇਟਲਮ ਆਰਸੀਐਮਪੀ ਵੱਲੋਂ ਕੀਤੀ ਗਈ ਇੱਕ ਨਿਰਪੱਖ ਜਾਂਚ ਤੋਂ ਬਾਅਦ ਅਮਲ ਵਿਚ ਲਿਆਂਦੀ ਗਈ। ਇਹ ਮਾਮਲਾ ਪਿਛਲੇ ਸਾਲ ਕ੍ਰਿਸਮਸ ਵਾਲੇ ਦਿਨ ਨੂੰ ਰਿਚਮੰਡ ਵਿਚ ਵਾਪਰੀ ਇੱਕ ਕਥਿਤ ਘਟਨਾ ਨਾਲ ਸੰਬੰਧਤ ਸੀ। ਜਾਂਚ ਪੂਰੀ ਹੋਣ ਤੋਂ ਬਾਅਦ ਇਸ ਵੀਰਵਾਰ ਰਿਚਮੰਡ ਪ੍ਰੋਵਿੰਸ਼ੀਅਲ ਕੋਰਟ ਵਿਚ ਰਸਮੀ ਤੌਰ 'ਤੇ ਚਾਰਜਸ਼ੀਟ ਦਾਖਲ ਕੀਤੀ ਗਈ ਅਤੇ Const. Suk Choi ਦੀ ਪਹਿਲੀ ਅਦਾਲਤੀ ਪੇਸ਼ੀ 16 ਜੂਨ ਤੈਅ ਹੋਈ ਹੈ।