19.92C Vancouver 19.92C VancouverMay 22, 2024 5:04 PM - The Associated Press
ਬ੍ਰਿਟੇਨ ਦੇ ਪ੍ਰਧਾਨ ਮੰਤਰੀ ਰਿਸ਼ੀ ਸੁਨਕ ਨੇ 4 ਜੁਲਾਈ ਨੂੰ ਮੱਧਕਾਲੀ ਚੋਣਾਂ ਕਰਵਾਉਣ ਦੀ ਘੋਸ਼ਣਾ ਕੀਤੀ ਹੈ। ਸੁਨਕ ਨੇ ਕਿਹਾ ਕਿ ਬ੍ਰਿਟੇਨ ਲਈ ਹੁਣ ਆਪਣਾ ਭਵਿੱਖ ਚੁਣਨ ਦਾ ਸਮਾਂ ਆ ਗਿਆ ਹੈ। ਉਂਝ ਕਾਨੂੰਨ ਤਹਿਤ ਜਨਵਰੀ 2025 ਤੱਕ ਆਮ ਚੋਣਾਂ ਹੋਣੀਆਂ ਸਨ। ਸੁਨਕ ਦੀ ਕੰਜ਼ਰਵੇਟਿਵ ਪਾਰਟੀ 2010 ਤੋਂ ਸੱਤਾ ਵਿਚ ਹੈ, ਜੋ ਬ੍ਰਿਟੇਨ ਦੇ ਆਧੁਨਿਕ ਇਤਿਹਾਸ ਵਿਚ ਕਿਸੇ ਪਾਰਟੀ ਦਾ ਸਭ ਤੋਂ ਲੰਮਾ ਸ਼ਾਸਨਕਾਲ ਹੈ।
ਓਪੀਨੀਅਨ ਪੋਲ ਮੁਤਾਬਕ, ਸੁਨਕ ਦੀ ਪਾਰਟੀ ਵਿਰੋਧੀ ਧਿਰ ਲੇਬਰ ਪਾਰਟੀ ਤੋਂ ਪਿੱਛੇ ਚੱਲ ਰਹੀ ਹੈ। ਬ੍ਰਿਟੇਨ ਵਿਚ ਜੇ ਸਰਕਾਰ ਬਦਲਦੀ ਹੈ ਤਾਂ ਇਸ ਦਾ ਪ੍ਰਭਾਵ ਕੈਨੇਡਾ ’ਤੇ ਵੀ ਪਵੇਗਾ। ਦੋਹਾਂ ਮੁਲਕਾਂ ਵਿਚਕਾਰ ਵਪਾਰ ਨੂੰ ਲੈ ਕੇ ਹਾਲ ਹੀ ਵਿਚ ਤਕਰਾਰ ਹੋਈ ਸੀ। ਬ੍ਰਿਟੇਨ ਨੇ ਜਨਵਰੀ ਵਿਚ ਕੈਨੇਡਾ ਨਾਲ ਨਵੇਂ ਮੁਕਤ ਵਪਾਰ ਸਮਝੌਤੇ ਲਈ ਗੱਲਬਾਤ ਨੂੰ ਰੋਕ ਦਿੱਤਾ ਸੀ।
ਉਥੇ ਹੀ, ਇਸ ਮਹੀਨੇ ਦੇ ਸ਼ੁਰੂ ਵਿਚ ਵਿਦੇਸ਼ੀ ਸਕੱਤਰ ਡੇਵਿਡ ਕੈਮਰੂਨ ਨੇ ਕੈਨੇਡਾ ਵਰਗੇ ਨਾਟੋ ਸਹਿਯੋਗੀਆਂ ’ਤੇ ਨਿਸ਼ਾਨਾ ਸਾਧਿਆ ਜੋ ਡਿਫੈਂਸ ’ਤੇ ਜੀ. ਡੀ. ਪੀ. ਦੇ ਦੋ ਫੀਸਦੀ ਖਰਚ ਦੇ ਟੀਚੇ ਨੂੰ ਪੂਰਾ ਨਹੀਂ ਕਰ ਰਹੇ। ਕੈਨੇਡਾ ਅਜੇ ਵੀ 1.76 ਫੀਸਦੀ ਟੀਚਾ ਹੀ ਪੂਰਾ ਕਰਨ ਵਿਚ ਸਮਰਥਾ ਜਤਾ ਰਿਹਾ ਹੈ। ਪ੍ਰਧਾਨ ਮੰਤਰੀ ਰਿਸ਼ੀ ਸੁਨਕ ਨੇ ਕਿਹਾ ਕਿ ਅਗਲੇ ਹਫ਼ਤੇ ਸੰਸਦ ਭੰਗ ਕਰ ਦਿੱਤੀ ਜਾਵੇਗੀ, ਉਸ ਤੋਂ ਬਾਅਦ ਇਲੈਕਸ਼ਨ ਦੀ ਪ੍ਰਕਿਰਿਆ ਸ਼ੁਰੂ ਹੋ ਜਾਵੇਗੀ।
