9.47C Vancouver 9.47C VancouverJan 20, 2022 10:51 PM - Connect News
ਸਰੀ ਆਰ.ਸੀ.ਐਮ.ਪੀ. ਵੱਲੋਂ ਇੱਕ ਡਾਕੇ ਨੂੰ ਅੰਜਾਮ ਦੇਣ ਵਾਲੇ ਵਿਅਕਤੀ ਨੂੰ ਕਾਬੂ ਕਰਨ ਅਤੇ ਉਸ 'ਤੇ ਦੋਸ਼ ਲਗਾਉਣ ਦੀ ਜਾਣਕਾਰੀ ਦਿੱਤੀ ਗਈ ਹੈ।
ਘਟਨਾ ਨੂੰ ਨਿਊਟਨ ਇਲਾਕੇ 'ਚ ਸਥਿਤ ਇੱਕ ਬੈਂਕ 'ਚ ਅੰਜਾਮ ਦਿੱਤਾ ਗਿਆ ਸੀ।
ਪੁਲਿਸ ਨੇ ਦੱਸਿਆ ਕਿ 16 ਜਨਵਰੀ ਦੀ ਰਾਤ ਕਰੀਬ 8.54 ਵਜੇ 'ਤੇ 72 ਐਵੀਨਿਊ ਅਤੇ 13600 ਬਲੌਕ 'ਚ ਸਥਿਤ ਇੱਕ ਬੈਂਕ ਦੇ ਏ.ਟੀ.ਐਮ. ਵਿੱਚ ਇੱਕ ਵਿਅਕਤੀ ਵੱਲੋਂ ਕੈਸ਼ ਜਮ੍ਹਾਂ ਕਰਨ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਸੀ।
ਇਸੇ ਦੌਰਾਨ ਇਸ ਵਿਅਕਤੀ ਤਕ ਇੱਕ ਆਦਮੀ ਨੇ ਪਹੁੰਚ ਕੀਤੀ ਅਤੇ ਉਸ ਨਾਲ ਲੁੱਟਖੋਹ ਕੀਤੀ ਗਈ।
ਪੁਲਿਸ ਨੇ ਦੱਸੇ ਹੁਲੀਏ ਅਨੁਸਾਰ ਨੇੜੇ ਹੀ ਭਾਲ ਦੌਰਾਨ ਇੱਕ ਆਦਮੀ ਨੂੰ ਕਾਬੂ ਕਰ ਲਿਆ।
ਇਸ ਮਾਮਲੇ 'ਚ 31 ਸਾਲਾ ਮੋਹੰਮਦ ਓਸਮਾਨ ਹਲਾਨੇ ਨਾਮ ਦੇ ਵਿਅਕਤੀ 'ਤੇ ਡਾਕੇ ਸੰਬੰਧੀ ਦੋਸ਼ ਲੱਗੇ ਹਨ।
ਦੱਸਿਆ ਗਿਆ ਕਿ ਇਸ ਵਿਅਕਤੀ ਨੂੰ ਜੱਜ ਸਾਹਮਣੇ ਪੇਸ਼ ਕੀਤਾ ਗਿਆ ਅਤੇ ਉਸ ਦੀ ਅਗਲੀ ਪੇਸ਼ੀ ਤਕ ਉਸ ਨੂੰ ਰਿਮਾਂਡ 'ਤੇ ਭੇਜ ਦਿੱਤਾ ਗਿਆ।
ਕਾਂਸਟੇਬਲ ਸਰਬਜੀਤ ਸੰਘਾ ਨੇ ਕਿਹਾ ਕਿ ਕਮਿਊਨਿਟੀ ਮੈਂਬਰਾਂ ਨੂੰ ਏ.ਟੀ.ਐਮ. ਦੀ ਵਰਤੋਂ ਕਰਦੇ ਹੋਏ ਆਪਣੇ ਆਲੇ-ਦੁਆਲੇ ਪ੍ਰਤੀ ਸਾਵਧਾਨ ਰਹਿਣਾ ਚਾਹੀਦਾ ਹੈ।
