30.12C Vancouver 30.12C VancouverDec 31, 2020 4:37 PM -
ਔਂਟੈਰੀਓ ਦੇ ਵਿੱਤ ਮੰਤਰੀ ਰੌਡ ਫਿਲਿਪਸ ਨੇ ਆਪਣੇ ਅਹੁਦੇ ਤੋਂ ਅਸਤੀਫਾ ਦੇ ਦਿੱਤਾ ਹੈ।
ਸੂਬੇ ਦੇ ਪ੍ਰੀਮਿਅਰ ਡਗ ਫੋਰਡ ਨੇ ਇਹ ਅਸਤੀਫਾ ਮਨਜ਼ੂਰ ਕਰ ਲਿਆ ਹੈ।
ਫਿਲਿਪਸ ਅੱਜ ਸਵੇਰੇ ਕੈਨੇਡਾ ਪਰਤ ਆਏ ਸਨ।
ਉਹ ਕਰੇਬੀਅਨ 'ਚ ਛੁੱਟੀ ਮਨਾ ਰਹੇ ਸਨ।
ਸੂਬੇ 'ਚ ਜਾਰੀ ਸਿਹਤ ਨਿਰਦੇਸ਼ਾਂ ਦੇ ਚਲਦਿਆਂ ਸੂਬੇ ਦੇ ਲੋਕਾਂ ਨੂੰ ਕਿਸੇ ਵੀ ਪ੍ਰਕਾਰ ਦੀ ਗੈਰ-ਜ਼ਰੂਰੀ ਯਾਤਰਾ ਤੋਂ ਗੁਰੇਜ ਕਰਨ ਨੂੰ ਕਿਹਾ ਜਾ ਰਿਹਾ ਹੈ, ਪਰ ਇਸ ਦੇ ਬਾਵਜੂਦ ਫਿਲਿਪਸ ਆਪਣੀ ਛੁੱਟੀ ਲਈ ਦੇਸ਼ ਤੋਂ ਬਾਹਰ ਚਲੇ ਗਏ ਸਨ।
ਇਸ ਵਿਵਾਦ ਦੇ ਸੁਰਖੀਆਂ 'ਚ ਆਉਣ ਤੋਂ ਬਾਅਦ ਬੀਤੇ ਕੱਲ ਡਗ ਫੋਰਡ ਨੇ ਸਖਤ ਸ਼ਬਦਾਂ 'ਚ ਰੌਡ ਫਿਲਿਪਸ ਦੇ ਅਜਿਹੇ ਫੈਸਲੇ ਦੀ ਆਲੋਚਨਾ ਕੀਤੀ ਸੀ।
ਅੱਜ ਫਿਲਿਪਸ ਦਾ ਕਹਿਣਾ ਸੀ ਕਿ ਉਹ ਕੈਬਿਨੇਟ 'ਚ ਰਹਿਣਾ ਚਾਹੁੰਦੇ ਹਨ, ਪਰ ਉਹ ਡਗ ਫੋਰਡ ਦੇ ਫੈਸਲੇ ਦੀ ਉਡੀਕ ਕਰਨਗੇ ਅਤੇ ਉਸ ਦਾ ਸਨਮਾਨ ਕਰਨਗੇ।
ਯਾਦ ਰਹੇ ਔਂਟੈਰੀਓ 'ਚ ਵਿਰੋਧੀ ਧਿਰ ਦੀ ਲੀਡਰ, ਆਂਡਰਿਆ ਹੋਰਵਾਥ ਨੇ ਕੱਲ ਮੰਗ ਚੁੱਕੀ ਸੀ ਕਿ ਸੂਬੇ ਦੇ ਵਿੱਤ ਮੰਤਰੀ ਰੌਡ ਫਿਲਿਪਸ ਨੂੰ ਅਹੁਦੇ ਤੋਂ ਹਟਾ ਦੇਣਾ ਚਾਹੀਦਾ ਹੈ।
ਫਿਲਿਪਸ ਨੇ ਮੰਗਲਵਾਰ ਨੂੰ ਖੁਲਾਸਾ ਕੀਤਾ ਸੀ ਕਿ ਉਹ 13 ਦਿਸੰਬਰ ਤੋਂ ਸੇਂਟ ਬਾਰਟਸ ਵਿੱਚ ਛੁੱਟੀ ਮਨਾ ਰਹੇ ਸਨ।
