14.23C Vancouver 14.23C VancouverJan 20, 2021 12:35 AM -
ਵਿਕਟੋਰੀਆ ਰਾਈਡਿੰਗ ਦੀ ਨਵੀਂ ਮੈਂਬਰ ਆਫ ਪਾਰਲੀਅਮੈਂਟ, ਲੌਰਲ ਕੌਲਿਨਸ ਦਾ ਕਹਿਣਾ ਹੈ ਕਿ ਉਹ ਅਗਲੇ ਫੈਡਰਲ ਇਲੈਕਸ਼ਨ 'ਚ ਵੀ ਉਮੀਦਵਾਰੀ ਪੇਸ਼ ਕਰਨ ਲਈ ਵਚਨਬੱਧ ਹਨ।
ਉਨ੍ਹਾਂ ਕਿਹਾ ਕਿ ਨਿੱਜੀ ਸਥਿਤੀ ਜਾਂ ਵੋਟਾਂ ਕਦੋਂ ਹੁੰਦੀਆਂ ਹਨ, ਇਸ ਦਾ ਉਹ ਉਮੀਦਵਾਰੀ 'ਤੇ ਕੋਈ ਵਿਘਨ ਨਹੀਂ ਪੈਣ ਦਵੇਗੀ।
ਕੌਲਿਨਸ ਨੇ ਇਹ ਵਾਅਦਾ ਉਸ ਵੇਲੇ ਕੀਤਾ ਹੈ, ਜਦ ਉਹ ਅਤੇ ਉਨ੍ਹਾਂ ਦੇ ਪਾਰਟਨਰ ਨੂੰ ਅਪ੍ਰੈਲ 'ਚ ਆਪਣੇ ਬੱਚੇ ਦੇ ਦੁਨੀਆ 'ਚ ਆਉਣ ਦੀ ਆਸ ਹੈ।
ਉਨ੍ਹਾਂ ਆਪਣੇ ਇੱਕ ਬਿਆਨ 'ਚ ਕਿਹਾ ਕਿ ਨਿਊਜ਼ੀਲੈਂਡ ਦੀ ਪ੍ਰਧਾਨ ਮੰਤਰੀ ਜੈਸਿੰਡਾ ਆਰਡਨ ਜਿਹੇ ਲੀਡਰਾਂ ਨੇ ਸਿਆਸਤ 'ਚ ਮਾਵਾਂ ਲਈ ਇੱਕ ਨਵੀਂ ਦਿਸ਼ਾ ਵਿਖਾਈ ਹੈ।
ਉਨ੍ਹਾਂ ਕਿਹਾ ਕਿ ਕੋਈ ਕਾਰਨ ਨਹੀਂ ਹੈ ਕਿ ਜਿਹੜੀਆਂ ਔਰਤਾਂ ਆਪਣਾ ਪਰਿਵਾਰ ਸ਼ੁਰੂ ਕਰ ਰਹੀਆਂ ਹਨ, ਉਹ ਖੁਦ ਨੂੰ ਰਾਜਨੀਤੀ ਤੋਂ ਦੂਰ ਕਰ ਲੈਣ।
ਯਾਦ ਰਹੇ ਕੌਲਿਨਸ ਨੇ ਐਨ.ਡੀ.ਪੀ. ਲਈ ਉਮੀਦਵਾਰੀ ਪੇਸ਼ ਕਰਦਿਆਂ ਬੀਤੀਆਂ ਚੋਣਾਂ 'ਚ ਬਾਜ਼ੀ ਮਾਰੀ ਸੀ।
ਲੌਰਲ ਕੌਲਿਨਸ ਨੇ ਅੱਜ ਆਪਣੇ ਟਵਿਟਰ ਹੈਂਡਲ 'ਤੇ ਇਸ ਮਾਮਲੇ ਸੰਬੰਧੀ ਕਈ ਟਵੀਟ ਕਰ ਆਪਣੇ ਵਿਚਾਰ ਪੇਸ਼ ਕੀਤੇ। ਉਨ੍ਹਾਂ ਦੇ ਫੈਸਲੇ 'ਤੇ ਕਈ ਸਿਆਸਤਦਾਨ ਵੀ ਉਨ੍ਹਾਂ ਦੀ ਸ਼ਲਾਘਾ ਕਰ ਰਹੇ ਹਨ।
